الەۋمەتتىك جەلىلەردە الماتى تاۋىندا قازاقستاندىقتىڭ جوعالىپ كەتكەنى تۋرالى حابار تارادى. بۇل جاعدايعا قاتىستى قالالىق تجد باسپا ءسوز قىزمەتى پىكىر ءبىلدىردى، - دەپ جازادى اqshamnews.kz.
الەۋمەتتىك جەلىلەردە نە جازىلدى؟
Threads جەلىسىندە الان ەسىمدى جىگىتتى ىزدەۋ تۋرالى حابارلاما جاريالاندى:
"الاندى ىزدەيمىز، جاسى – 20، بويى – 175–180 سم. 27 شىلدەدە تاڭەرتەڭ مەدەۋ جاعىنان جاستار شىڭىنا (پيك مولودەجنىي) قاراي تاۋعا كەتكەن، سودان بەرى بايلانىسقا شىقپادى. كەيىنگى رەت تاڭەرتەڭ، 27 شىلدەدە حابارلاسقان"، – دەلىنگەن جازبادا.
ول كەزدە جىگىت قىزىل فليسكا (ۇزىن جەڭدى كوفتا)، قارا شورتى، قارا كروسسوۆكي، قارا كەپكا كيىپ جۇرگەن. سونىمەن قاتار اق-سۇر ريۋكزاگى بولعان. جانىندا قوسىمشا لوسينى، قارا كۇرتەشە بولۋى مۇمكىن.
"ول جاستار شىڭىنا مەدەۋ جاعىنان 1ب باعىتىمەن كوتەرىلگەن بولۋى مۇمكىن. تاڭعى 6:00 شاماسىندا ونى بىرەۋلەر مەدەۋدە اسفالت اياقتالاتىن تۇستان كورگەن. مۇمكىن، ول الما-اراسان جاعىنان (1ا مارشرۋتى) نەمەسە مەدەۋ جاعىنان (1ب مارشرۋتى) تۇسكەن شىعار. كىمدە-كىم ونى كورسە نەمەسە قانداي دا ءبىر اقپارات بىلسە، +7 701 764 64 74 نومىرىنە شۇعىل حابارلاسۋىڭىزدى سۇرايمىز. تجم ىزدەۋ جۇمىستارىن باستاپ كەتتى، ءبىراق اۋماق وتە ۇلكەن، سوندىقتان ەرىكتىلەر – ىزدەۋگە شىعۋعا دايىن ادامدار، درون يەلەرى مەن يتتەرى بار كينولوگتار وتە قاجەت"، – دەلىنگەن حابارلامادا.
تجد نە دەيدى؟
الماتى قالالىق تجد باسپا ءسوز قىزمەتى بۇل جاعدايعا پىكىر بەردى:
"27 شىلدەدە كەشكى ساعات 23:02-دە مەدەۋ اۋدانىندا ىزدەستىرۋ-قۇتقارۋ جۇمىستارى باستالدى. تاڭەرتەڭ تاۋعا كەتكەن 20 جاستاعى جىگىتتىڭ جوعالعانى تۋرالى حابار كەلىپ ءتۇستى. ول 17:00-دە قايتىپ كەلۋگە ءتيىس بولعان. بايلانىس تەك تاتەسى ارقىلى بولعان – گەولوكاسيا قوسىلماعان. ول جىلى كوفتا، شورتى مەن كروسسوۆكي كيىپ جۇرگەن. بۇل ۋاقىتتا تاۋدا جاڭبىر مەن بۇرشاق جاۋىپ، 4000 مەتر بيىكتىكتە قار تۇسكەن"، – دەلىنگەن حابارلامادا.
ىزدەۋ جۇمىستارى جاستار شىڭىنىڭ ماڭىندا (4147 م) باستالعان. وعان "مەدەۋ" پوستىنىڭ جانە "تۇيىق-سۋ" باقىلاۋ-قۇتقارۋ پۋنكتىنىڭ قۇتقارۋشىلارى تارتىلدى.
"قۇتقارۋشىلار مىنجىلقىعا كوتەرىلىپ، جاستار شىڭىنا قاراي جاياۋ باعىت العان. جاستار، تيتوۆا جانە ت1 شىڭدارى تەكسەرىلدى – ءىز-تۇز تابىلمادى. مىنجىلقى ۇستىرتىندە تجد، ەرىكتىلەر جانە دروندار قاتىسقان جەدەل شتاب قۇرىلدى. "قازاۆياقۇتقارۋ" تىكۇشاعى دايىن، الايدا اۋا رايى قولايسىز – 1800 مەتردەن جوعارى بۇلتتى، نايزاعاي، سەكۋندىنا 20 مەترگە دەيىن جەل سوعىپ تۇر، بۇل ۇشۋعا كەدەرگى"، – دەپ مالىمدەدى ۆەدومستۆو.
قۇتقارۋشىلاردىڭ كەڭەستەرى
بۇعان دەيىن تاجىريبەلى قۇتقارۋشى ۆاديم پاك تاۋعا شىقپاس بۇرىن ەستە ساقتاۋ كەرەك بىرنەشە كەڭەس بەرگەن:
-
جالعىز بارۋعا بولمايدى، ءتىپتى گيدپەن بولساڭىز دا، مارشرۋتتى الدىن الا زەرتتەڭىز؛
-
كيىم مەن اياقكيىمدى اۋا رايى مەن جەر جاعدايىنا ساي تاڭداڭىز – الىستان كورىنەتىن اشىق ءتۇستى بولسىن؛
-
ريۋكزاكتا مىندەتتى تۇردە جىلى كيىم، تاماق، دارى-دارمەك قوبديشاسى، فوناريك، پاۋەربانك جانە تەرموس بولۋ كەرەك؛
-
جولعا شىعار الدىندا تۋىستارىڭىزعا مارشرۋتتى، قايتۋ كۇنىن ايتىپ، توپتاعى ءار ادامنىڭ سۋرەتىن جىبەرىپ قويىڭىز.
قوسىمشا كەڭەستەر سىلتەمەدە بەرىلگەن.