استانادا جانە سولتۇستىك قازاقستان وبلىسىندا ادام ساۋداسىنا بايلانىستى قىلمىستارعا قاتىسى بار ەكى توپتىڭ ارەكەتى اشكەرە بولدى، - دەپ حابارلايدى اqshamnews.kz ءتىلشىسى.
كۇدىكتىلەر ينتەرنەت رەسۋرستاردى ۇدايى پايدالانىپ، جىنىستىق سيپاتتاعى زاڭسىز قىزمەت تۇرلەرىن جارنامالاپ وتىرعان. ولاردىڭ ارەكەتى ۇيىمداسقان سيپاتقا يە بولىپ، ميللياردتاعان پايدا تاپقان.
الدىن الا دەرەكتەر بويىنشا قىلمىستىق توپتىڭ كۇندەلىكتى تابىسى 1،5 ملن تەڭگەگە دەيىن جەتكەن، ال 2024 جىلدىڭ باسىنان بەرگى قارجى اينالىمى 1،7 ملرد تەڭگەدەن اسادى.
"ءتىنتۋ بارىسىندا اقشا، بانك كارتالارى، كولىكتەر، كومپيۋتەرلەر، ۇيالى تەلەفوندار جانە باسقا دا سيفرلىق اقپارات تاسىمالداعىشتار تاركىلەندى. نەگىزگى فيگۋرانتتار مەن ولاردىڭ سىبايلاستارىنا قاماۋعا الۋ تۇرىندەگى بۇلتارتپاۋ شاراسى قولدانىلدى. بۇل دەرەكتەر بويىنشا قىلمىستىق كودەكستىڭ ادام ساۋداسى مەن ۇيىمداسقان قىلمىستىق توپتى قۇرۋ جانە وعان قاتىسۋ باپتارى بويىنشا سوتالدى تەرگەۋ جۇرگىزىلىپ جاتىر"، - دەپ جازىلعان حابارلامادا.
ايتا كەتەيىك، بۇل قىلمىستار ءۇشىن 12 جىلعا دەيىن باس بوستاندىعىنان ايىرۋ جانە مۇلكىن تاركىلەۋ تۇرىندەگى جازا قاراستىرىلعان.