7-8 قاڭتار ارالىعىندا قار كوشكىنى ءقاۋپى ساقتالادى.
الماتى تاۋلارىندا قار كوشكىنى ءقاۋپى ساقتالادى. وسىعان وراي، قۇتقارۋشىلار قالا تۇرعىندارى مەن قوناقتارىنا تاۋعا شىقپاۋعا كەڭەس بەرەدى، دەپ حابارلايدى Almaty-akshamy.kz
«ۇلكەن جانە كىشى الماتى وزەندەرىنىڭ باسسەيندەرىندە جاۋىن-شاشىننىڭ تۇسۋىنە جانە قار جامىلعىسىنىڭ تۇراقسىز جاعدايىنا بايلانىستى 7-8 قاڭتار ارالىعىندا قار كوشكىنى ءقاۋپى ساقتالادى. سوندىقتان قالا تۇرعىندارى مەن قوناقتارىنان تاۋعا ساياحاتتاۋدى كەيىنگە شەگەرە تۇرۋدى سۇرايمىز»، - دەلىنگەن الماتى قالاسى توتەنشە جاعدايلار دەپارتامەنتىنىڭ حابارلاماسىندا.
بۇعان دەيىن الماتىدا ءبىر تاۋلىكتە 18 رەت رەت قار كوشكىنى جۇرگەن ەدى.
ەستەرىڭىزگە سالا كەتەيىك، قازىرگى ۋاقىتتا ۇلكەن الماتى كولى مەن شىمبۇلاققا باراتىن اۆتوجولدار جابىق.
تاۋلى ايماقتاعى قار كوشكىنى - اسا ءقاۋىپتى تابيعي قۇبىلىس. قار كوشكىنىنىڭ ماكسيمالدى جىلدامدىعى ساعاتىنا 80 شاقىرىمعا دەيىن جەتۋى مۇمكىن.