ەس-تۇسسىز كۇيدە ەپيلەپسيالىق ۇستاما بولعان
الماتى تاۋلارىندا ەكى تۋريست قۇتقارىلدى. بۇل تۋرالى تجم باسپا ءسوز قىزمەتى مالىمدەدى، دەپ حابارلايدى Almaty-akshamy.kz.
ۆەدومستۆو مالىمەتىنشە، كەشە رەسپۋبليكالىق جەدەل قۇتقارۋ جاساعىنىڭ قۇتقارۋشىلارى ىلە الاتاۋى تاۋلارىنىڭ شاتقالدارىنداعى تاۋلى وزەندەر بويىمەن رەيدتەر جۇرگىزگەن.
«رەيد كەزىندە ساعات 17.27-دە قۇتقارۋشىلارعا كومەك سۇراپ موپەد مىنگەن تۋريست كەلدى. ونىڭ دوسى وتباسىمەن دەمالىپ وتىرعان جەرىندە، كەنەتتەن اۋىرىپ قالىپتى. قۇتقارۋشىلار اتالعان ورىنعا جەدەل جەتىپ، ەر ادام جەردە ەس-تۇسسىز كۇيدە ەپيلەپسيالىق ۇستاما بولىپ جاتقانىن كورگەن. قۇتقارۋشى - مەديك ەۆگەنيي مۇستافين جەدەل تۇردە العاشقى مەديسينالىق كومەك كورسەتۋگە كىرىستى. قۇتقارۋشىلار 38 جاستاعى ەر ادامدى وزىنە-وزى كەلگەننەن كەيىن، رجقج جەدەل كولىگىنە وتىرعىزىپ، قالاعا دەيىن الىپ بارىپ، جەدەل جاردەم بريگاداسىنا تاپسىردى. جەدەل جاردەم كولىگى تاۋعا كوتەرىلە المادى»، - دەلىنگەن حابارلامادا.
ەكىنشى قۇتقارۋ وقيعاسى كىشى الماتى وزەنىنىڭ شاتقالىنا جاسالعان رەيد كەزىندە بولعان.
ساعات 18.30-دا قۇتقارۋشىلارعا ءتۋريستتىڭ جاراقات الۋىنىڭ كۋاگەرى بولعان ادام جۇگىنگەن. زارداپ شەككەن ادامنىڭ ايتۋىنشا، ول اياعىنىڭ ساۋساعىن سىندىرىپ العاندىقتان، وزدىگىنەن جۇرە الماعان. تجم قىزمەتكەرلەرى وعان العاشقى مەديسينالىق كومەك كورسەتىپ، زاقىمدالعان اياق بولىگىن بەكىتىپ، تاڭعىشپەن تاڭدى.
سودان كەيىن الپينيستىك ارقانداردىڭ كومەگىمەن ايەلدى "لەسنيچەستۆو" جارتاسىنان، تاۋدىڭ ەتەگىنە اپارىپ تۋىستارىنا تاپسىردى. ولار جەدەل جاردەم شاقىرۋدان باس تارتىپ، اۋرۋحاناعا وزدەرى بارۋعا شەشىم قابىلدادى.