پاكىستاندا بۇرىنعى پرەمەر-مينيستر يمران حان تۇتقىندالدى
پاكىستاندا سەيسەنبى كۇنى ۇستالعان بۇرىنعى پرەمەر-مينيستر يمران حاننىڭ جاقتاستارى مەن قاۋىپسىزدىك كۇشتەرى اراسىندا قاقتىعىستار بولدى. نارازىلىق بۇكىل ەلگە جايىلىپ، بەلۋدجيستان پروۆينسياسىندا كەمىندە ءبىر ادام ءولتىرىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
جۇما كۇنى ىشكى ىستەر مينيسترلىگىنىڭ نۇسقاۋىمەن ەلدە ۇيالى بايلانىس وشىرىلگەن ەدى. حان سىبايلاس جەمقورلىققا قاتىستى ايىپتاۋلارعا جاۋاپ بەرۋ ءۇشىن يسلاماباد جوعارى سوتىنا كەلگەن كەزىندە ۇستالعان بولاتىن.
حان وزىنە تاعىلعان ايىپتى جوققا شىعارىپ وتىر. «ادىلەتتىككە قوزعالىس» پارتياسى جاريالاعان بەينەۇندەۋىنە ول بارىنە دايىن ەكەنىن مالىمدەدى.
بىلتىر ساۋىردە بيلىكتەن شەتتەتىلگەنىنەن بەرى حانعا قارسى جۇزدەگەن ءىس قوزعالدى. وعان قارسى تاعىلعان ايىپتار اراسىندا جەمقورلىق، تەرروريزم جانە ءتىپتى قۇدايعا ءتىل تيگىزۋ بار.