اۆتوكولىكتىڭ تاعى ءبىر جولاۋشىسى دەنە جاراقاتتارىمەن اۋرۋحاناعا جەتكىزىلدى.
تۇركىستان وبلىسىندا جول اپاتىنان ءۇش ادام قازا تاپتى. وسى وقيعا بويىنشا تەرگەۋ ءجۇرىپ جاتىر، دەپ حابارلايدى اlmaty-akshamy.kz Polisia.kz سىلتەمە جاساپ.
تۇركىستان وبلىسى وتىرار اۋدانىنىڭ تورتكول-شاۋىلدىر-تۇركىستان-كەنتاۋ تاسجولىندا Nexia ماركالى اۆتوموبيل مەن جۇك اۆتوكولىگى سوقتىعىسقانى انىقتالدى. اپات سالدارىنان Nexia جۇرگىزۋشىسى مەن ونىڭ ەكى جولاۋشىسى وقيعا ورنىندا قازا تاپتى. سونىمەن قاتار وسى اۆتوكولىكتىڭ ءبىر جولاۋشىسى دەنە جاراقاتتارىمەن اۋرۋحاناعا جەتكىزىلدى.
بۇل جايت ق ر قك-نىڭ 345ء-شى «كولىك قۇرالدارىن باسقاراتىن ادامداردىڭ جول ءجۇرۋ نەمەسە كولىك قۇرالدارىن پايدالانۋ ەرەجەلەرىن بۇزۋى» بابى بويىنشا تىركەلدى. ساراپتاما تاعايىندالدى، وقيعانىڭ بارلىق ءمان-جايى انىقتالىپ جاتىر.
«ءتارتىپ ساقشىلارى جۇرگىزۋشىلەر مەن وبلىس تۇرعىندارىن جول قوزعالىسى ەرەجەلەرى ساقتاۋعا، جىلدامدىقتى اسىرماۋعا جانە ءوز ءومىرى مەن جولاۋشىلاردىڭ ءومىرىن ساقتاپ قالۋ ءۇشىن قاۋىپسىزدىك شارالارىن قاتاڭ قولدانۋعا شاقىرادى»، - دەلىنگەن حابارلامادا.