تاۋەلسىزدىكتىڭ 30 جىلدىعىنا الماتى قالاي وزگەردى؟
مەرەيتويلىق كۇنگە وراي مەگاپوليستىڭ ورتالىعىنداعى جانە بارلىق اۋداندارىنداعى الاڭدار، سونداي-اق داڭعىلدار مەن كوشەلەر تاقىرىپتىق كوركەم جارىقپەن، مەملەكەتتىك رامىزدەرى بار باننەرلەرمەن جانە ينستاللياسيالارمەن بەزەندىرىلدى، دەپ حابارلايدى Almaty-akshamy.kz
تاۋەلسىزدىك كۇنىنە دەيىن ءبىر اپتادان از ۋاقىت قالدى، ال الماتى قالاسى تۇرعىندار مەن قوناقتاردى اجارلى كوركىمەن قۋانتۋدا. مەرەيلى مەرەكەگە وراي قالا اكىمدىگى بىردەن بىرنەشە الاڭداردى، داڭعىلدار مەن كوشەلەردى قايتا وزگەرتتى.
«تاقىرىپتىق بەزەندىرۋ مەرەيتوي كۇنىنىڭ سالتاناتىن، وسكەلەڭ ۇرپاقتىڭ بويىندا پاتريوتتىق سەزىمدى وياتۋدى، تاۋەلسىزدىك جەتىستىكتەرى تۋرالى ويلاردى، سۇيىكتى قالا مەن ەلگە دەگەن قۇرمەتتى بىلدىرەدى»، - دەپ ءتۇسىندىردى مەرەكەلىك بەزەندىرۋدىڭ ماڭىزدىلىعىن الماتى اكىمدىگىندە.
ساۋلەت-كوركەم جارىقتاندىرۋ رەسپۋبليكا، استانا الاڭدارىندا، تۇڭعىش پرەزيدەنت ساياباعىندا، «مەدەۋ» بسك-نىڭ جانىنا، «الاتاۋ كرەاتيۆ حاب» عيماراتىنىڭ الدىنا ورناتىلعان. بۇكىل قالا بويىنشا مەرەكەلىك بيلبوردتار ورنالاستىرىلعان.
ۇلتتىق كىتاپحانانىڭ الدىندا ەرەكشە ينستاللياسيا – تاۋەلسىزدىكتىڭ مەرەيتويلىق داتاسى بەلگىلەنگەن تەكشە پايدا بولدى. ايتا كەتەرلىگى، بۇل ءمولدىر تەكشە جاي قويىلماعان، ساۋلەتشىلەر ونى ەجەلگى سيمۆولعا باعالايدى ءارى ادامنىڭ اقىلىمەن بايلانىستى دەيدى. دامۋدىڭ، تۇراقتىلىقتىڭ، بەرىكتىكتىڭ جانە ۇزاقتىقتىڭ سيمۆولى. سوندىقتان ونى ۇلتتىق كىتاپحانادا ورناتۋ تۋرالى شەشىم قابىلداندى.
الاتاۋ اۋدانى اكىمدىگىنىڭ الدىنداعى الاڭدا كيىز ءۇي جانە شاڭىراق تۇرىندە ينستاللياسيا ورناتىلعان، ول قاراڭعىدا جارىققا ورانىپ، ەرەكشە سيپاتقا بولەنەدى. شاڭىراقتىڭ ءار كەرەگەسى مەملەكەتتىلىكتىڭ قالىپتاسۋىنداعى بەلگىلى ءبىر كەزەڭدى بىلدىرەدى. كومپوزيسيا زاماناۋي ەستەتيكالىق ماتەريالداردان جاسالعان.
تاعى ءبىر مەرەكەلىك قۇرىلىم ناۋرىزباي اۋدانى اكىمدىگىنىڭ الدىنداعى الاڭدا ورناتىلدى. ەسكەرتكىشتە قاناتتى بارىستى باسقاراتىن «التىن ادام» بەينەلەنگەن، ول قازاقستان جەرىندەگى بەرىك مەملەكەتتىك بيلىكتى بەينەلەيدى.
ءال-فارابي داڭعىلى، شااج جانە بۇقتىرما كوشەسى تاقىرىپتىق بەزەندىرىلگەن. الماتى اكىمدىگى جاڭا قالالىق بەزەندىرۋ وزەكتىلىگىن جوعالتپايتىنىنا سەنىمدى، كەرىسىنشە پاتريوتتىق ديزاين قالا تۇرعىندارىنا وتانعا دەگەن سۇيىسپەنشىلىكتى ەسكە سالادى. بۇلاردان باسقا، تاۋەلسىزدىكتىڭ 30 جىلدىعىنا ارنالعان مەرەيتويلىق ينستاللياسيالار قالانىڭ كورنەكى جەرلەرىنە جاڭارعان اسەم كورىنىس بەرۋدە.