الماتى قالاسى كاسىپكەرلىك جانە ينۆەستيسيالار باسقارماسىنىڭ دەرەكتەرىنە سايكەس، قالادا شاعىن جانە ورتا كاسىپكەرلىكپەن (شوب) اينالىساتىن قالا تۇرعىندارىنىڭ سانى 872 مىڭعا جەتتى، دەپ حابارلايدى almaty-akshamy.kz
ءونىم ءوندىرۋ كولەمى 3،9 ترلن تەڭگەنى قۇرادى. وتكەن جىلدىڭ سايكەس كەزەڭىمەن سالىستىرعاندا ءوسىم 1 ترلن تەڭگەنى قۇرادى.
قازاقستاندا 4 ميلليوننان استام ادام شاعىن جانە ورتا كاسىپكەرلىكپەن اينالىسادى. 2023 جىلدىڭ ءبىرىنشى توقسانىندا ولار 13،6 ترلن تەڭگەگە ءونىم ءوندىردى. جەتەكشى ءوڭىر - الماتى 3،9 ترلن تەڭگەنى قامتاماسىز ەتتى. اعىمداعى جىلدىڭ ءبىرىنشى توقسانىنىڭ قورىتىندىسى بويىنشا ەلدىڭ جىو-دەگى ءشوب-تىڭ جالپى قوسىلعان قۇنى 8،6 ترلن تەڭگەگە جەتتى. الماتىنىڭ ۇلەسى 2،6 ترلن تەڭگەنى قۇرادى.
«الماتى مىسالىندا ءتيىمدى مەملەكەتتىك قولداۋ جانە قولايلى بيزنەس-ورتانى قۇرۋ شاعىن جانە ورتا كاسىپكەرلىك سالاسىنىڭ ەلەۋلى دامۋىنا قالاي ىقپال ەتەتىنى بايقالادى»، - دەپ اتاپ ءوتتى كاسىپكەرلىك جانە ينۆەستيسيالار باسقارماسىندا.