مەدەۋ اۋدانىندا سۋدى بەرۋ مەن توقتاتۋدىڭ ۋاقىتشا كەستەسى بيىل 31 شىلدە ساعات 07:00-دەن 24:00-گە دەيىن جارامدى.
مەدەۋ اۋدانىنىڭ وڭتۇستىك بولىگىن سۋمەن جابدىقتاۋداعى شەكتەۋ تابيعي قۇبىلىستارعا بايلانىستى. بۇرىن حابارلانعانداي، اپتاپ ىستىق سالدارىنان مۇزدىقتاردىڭ ەرۋىنە، سەل جانە وزەن جاعالاۋلارىن سۋ شايۋعا بايلانىستى تاۋ وزەندەردە باستاپقى سۋدىڭ لايلانۋىنىڭ وتە جوعارى كونسەنتراسياسى ساقتالىپ وتىر. سوندىقتان سۋ تازارتۋ ستانسيالارىندا سۋ دايىنداۋدا قاجەتتى سۋ كولەمىن ۋاقىتشا الا الماي جاتىر. سۋدى زەرتحانالىق زەرتتەۋ ساعات سايىن جۇرگىزىلەدى. سۇزگى ستانسياسى ارقىلى تۇراقتى سۋمەن قامتاماسىز ەتۋ ءۇشىن لايلىلىق دەڭگەيى 30-40 مگ/دم3 دەيىن تومەندەۋى كەرەك. قازىرگى ۋاقىتتا ول 170-340 مگ/دم3 ارالىعىندا.
رەزەرۆۋارلارداعى سۋدى جيناۋ ءۇشىن ازىرلەنگەن ۋاقىتشا كەستە قاجەت.
كەستە 31.07.2023-02.08.2023 ج.*ە
«سۇڭقار» شاڭعى ترامپليندەرى كەشەنىنىڭ باتىسىنداعى قاپپاروۆ كوشەسىندە ورنالاسقان «ترامپليندەر» سورعى ستانسياسىنىڭ قوسىلۋىمەن، سونىمەن قاتار، دوستىق داڭعىلى 300 بويىنداعى №13 سۋ جيناۋ الاڭىندا اۋىز سۋ دەڭگەيىنىڭ جينالۋىنا بايلانىستى تايمانوۆ، يۆانيلوۆ، يگيشيەۆ كوشەلەرىندەگى تۇرعىن ءۇي قۇرىلىستارىنا تاۋلىك بويى سۋ بەرۋ قوسىمشا قالپىنا كەلتىرىلدى. «كوچيەۆنيكي» سورعى ستانسياسى قوسىلىپ، جاماقايەۆ كوشەسىنىڭ وڭتۇستىگىندەگى تۇرعىن الابىن سۋمەن جابدىقتاۋ قالپىنا كەلتىرىلدى (ءماشھۇر ءجۇسىپوۆ كوشەسى، 4، 5 ، 6 كوشەلەرى).
31.07.2023، 01.08.2023، 02.08.2023 جىلى مىنا اۋماققا سۋ بەرىلەدى:
ساعات 7:00-دەن 13:00-گە دەيىن ءال-فارابي، لۋگانسكيي، چايكينا، تايمانوۆ كوشەلەرىندەگى كوپپاتەرلى تۇرعىن ۇيلەرگە.
ساعات 19:00-دەن 24:00-گە دەيىن قۇرمەت كوشەسىنىڭ وڭتۇستىگىندە (جوعارىدا) ورنالاسقان تۇتىنۋشىلارعا، ونىڭ ىشىندە «يۋبيلەينىي» ش/ا، كامەنسك ءۇستىرتى، ەۆروپوليس تۇك، الەم قالاشىعى، المالى تۇك، كەرەي – جانىبەك حاندار كوشەسىنىڭ ەكى جاعىنداعى كوپپاتەرلى تۇرعىن ۇيلەر.
ساعات 13:00-دەن 19:00-گە دەيىن جانە ساعات 00:00-دەن 07:00-گە دەيىن رەزەرۆۋارلارعا سۋ جيناقتالادى.
سۋمەن قامتاماسىز ەتۋدىڭ كورسەتىلگەن كەستەسى تابيعي قۇبىلىستارعا بايلانىستى وزگەرەدى. بارلىق وزگەرىس قوسىمشا حابارلانادى.
ۋاقىتشا قولايسىزدىقتارعا تۇسىنىستىكپەن قاراۋدى، مۇمكىندىگىنشە سۋارۋدى شەكتەۋدى جانە سۋدى ۇنەمدەۋدى سۇرايمىز.
ازاماتتىق تۇرعىندار ءۇشىن جەلىگە بەرىلەتىن سۋ كولەمىن كوبەيتۋ ماقساتىندا سۋدى كوپ تۇتىناتىن نىساندارعا (كولىك جۋۋ، مونشا) سۋ بەرۋ ۋاقىتشا توقتاتىلادى. الەۋمەتتىك نىساندار تاۋلىك بويى تاسىمالداناتىن سۋمەن قامتاماسىز ەتىلەدى.
ورتالىقتاندىرىلعان سۋمەن جابدىقتاۋ بولماعان كەزدە سۋ اۆتوسيستەرنالارمەن تاسىمالدانادى. 27 شىلدەدەن باستاپ سۋ جەتكىزۋ بويىنشا ارنايى كولىكتەردىڭ جالپى سانى 18 بىرلىككە دەيىن كوبەيەدى.
سۋمەن قامتاماسىز ەتۋ ماسەلەسىنە بايلانىستى وتىنىشتەر ءۇشىن جەدەل جەلىلەر ۇيىمداستىرىلدى.
ءبىرىڭعاي ديسپەچەرلىك قىزمەتتىڭ تەلەفونى: 109.
«الماتى سۋ» مكك ديسپەچەرلىك قىزمەتى: 274-66-66، +7 777 852 91 01.
اۋىز سۋدى (سۋ تاسىعىشتاردى) تاسىمالداۋ جانە بيوتۋالەتتەردى ورناتۋ ماسەلەسى بويىنشا ءوتىنىم مەدەۋ اۋدانى اكىمى اپپاراتىنىڭ ءنومىرى بويىنشا قابىلدانادى: + 7 775 594 90 94.
انىقتاما ءۇشىن:
مەدەۋ اۋدانىنىڭ وڭتۇستىك بولىگىندەگى سۋمەن جابدىقتاۋ شەكتەلگەن ايماقتا 50 كوپپاتەرلى ءۇي، 4 047 جەكە تۇرعىن ءۇي بار.