قازاقستان چەندۋ قالاسىنداعى (جۇڭگو) جازعى ۋنيۆەرسيادا-2023-تە ءۇشىنشى مەدالدى جەڭىپ الدى، - دەپ حابارلايدى Almaty-akshamy.kz Vesti.kz-كە سىلتەمە جاساپ.
نيكيتا چيريۋكين وق اتۋدان ۇلتتىق قۇراماعا كۇمىس مەدال سىيلادى. قازاقستاندىق تاپانشادان 25 مەتر قاشىقتىقتان جىلدام اتۋ بويىنشا 27 ۇپاي جيناپ، ەكىنشى ورىن الدى. بۇل سايىس بويىنشا التىندى چەحيالىق ماتەي رامپۋلا (29 ۇپاي)، ال قولانى وسكار ميليۆەك (23 ۇپاي) جەڭىپ الدى.
تاعى ءبىر كۇمىس مەدالدى 50 مەتر قاشىقتىقتان ءۇش پوزيسيادان مىلتىقپەن اتۋ بويىنشا كوماندالىق ەسەپتە – كونستانتين مالينوۆسكيي، يسلام ساتبايەۆ جانە نيكيتا شاحتورين 3507 ۇپاي جيناپ، ەكىنشى ورىنعا يە بولدى. ءبىرىنشى ورىندى جۇڭگو قۇراماسى (3529 ۇپاي)، ءۇشىنشى ورىندى ءۇندىستان وكىلدەرى (3502 ۇپاي) يەلەندى.
سونداي-اق ۋنيۆەرسيادا-2023 ويىندارىندا قازاقستان قولا جۇلدەنى جەڭىپ الدى - ونى دزيۋدوشى سۇڭعات جۇباتقان جەڭدى.