12 قازان كۇنى الماتى قالاسى اكىمدىگىنىڭ قولداۋىمەن الماتى ستۋدەنتتەر ليگاسىنىڭ جاڭا ماۋسىمى باستالدى. ليگا ءۇش سپورت ءتۇرىن قامتيدى – فۋتبول 11ح11، ۆولەيبول جانە باسكەتبول. جارىسقا قالاداعى 35 جوعارى وقۋ ورنىنان 108 كوماندا قاتىسۋدا، - دەپ حابارلايدى اqshamnews.kz ءتىلشىسى.
فۋتبول چەمپيوناتى قازاقستان فۋتبول فەدەراسياسىنىڭ قولداۋىمەن وتەدى، ال ليگا جەڭىمپازدارىنا جوو اراسىنداعى رەسپۋبليكالىق تۋرنيرگە جولداما بەرىلەدى.
بارلىق سپورت تۇرلەرى بويىنشا قاتىسۋ تولىعىمەن تەگىن، ۇيىمداستىرۋشىلىق جارنالار تالاپ ەتىلمەيدى.
2025 جىلعى كوكتەمگى ىرىكتەۋ ليگاسىنىڭ (ءساۋىر–مامىر) قورىتىندىسى بويىنشا كوماندالار سپورتتىق دايىندىق دەڭگەيىنە قاراي ەكى ديۆيزيونعا ءبولىندى. 2025–2026 ماۋسىمى اينالىم جۇيەسىمەن وتەدى – ءار كوماندا ءوز ديۆيزيونىندا بارلىق قارسىلاستارمەن كەزدەسەدى.
چەمپيونات ەكى كەزەڭگە بولىنگەن:
كۇزگى كەزەڭ – 2025 ج. قازان–جەلتوقسان ايلارى؛
كوكتەمگى كەزەڭ – 2026 ج. اقپان–مامىر ايلارى.
جەڭىمپازدار مەن جۇلدەگەرلەر ەكى كەزەڭنىڭ ناتيجەسى بويىنشا جيناعان ۇپاي سانىنا قاراي انىقتالادى.
جارىستى ۇيىمداستىرۋ جانە ۇيلەستىرۋ ءۇشىن ساندىق پلاتفورمالار قولدانىلادى:
asvl.kz — ۆولەيبول
asfl.kz — فۋتبول
asbl.kz — باسكەتبول
بۇل جۇيەلەر كوماندالارعا ونلاين تىركەلۋگە، جارىس كەستەسىن قۇرۋعا، قۇرامدار مەن تۋرنير كەستەسىن باقىلاۋعا، سونداي-اق ناقتى ۋاقىت رەجيمىندە ستاتيستيكانى جۇرگىزۋگە مۇمكىندىك بەرەدى.
ماچتاردىڭ ءوتۋ بارىسىن سالالىق سپورت فەدەراسيالارىنىڭ تورەشىلەرى قامتاماسىز ەتەدى، سونداي-اق ەرەجەلەردىڭ ساقتالۋىن باقىلايتىن تارتىپتىك كوميتەت جۇمىس ىستەيدى.
بارلىق ويىندار YouTube ارناسىندا تىكەلەي ەفيردە كورسەتىلەدى: youtube.com/@asl-2025.
الماتى ستۋدەنتتەر ليگاسىنىڭ قۇرىلۋى – بۇل جاستار اراسىندا بۇقارالىق سپورتتى دامىتۋعا، جوعارى وقۋ ورىندارى اراسىنداعى بىرلىكتى نىعايتۋعا جانە سالاۋاتتى ءومىر سالتىن ناسيحاتتاۋعا باعىتتالعان جۇيەلى قادام.