2026 جىلى الماتى سپورتشىلارى ەڭ ۇلكەن حالىقارالىق جارىستارعا، سونىڭ ىشىندە XXV قىسقى وليمپيادا ويىندارى مەن جازعى ازيا ويىندارىنا دايىندىقتى باستاپ كەتتى. وڭىرلىك كوممۋنيكاسيالار قىزمەتىندە الماتى قالاسى سپورت باسقارماسىنىڭ باسشىسى دارحان نۇرحان ۇلى وسىلاي دەدى.
«الماتىدا ءقازىر 6–22 اقپان ارالىعىندا يتاليادا وتەتىن قىسقى وليمپيادا ويىندارىنا قاتىسۋعا 6 ليسەنزيا بار»، – دەيدى قالا باسقارما باسشىسى.
ليسەنزيا يەلەنگەن سپورتشىلار قاتارىندا:
- ميحايل شايدوروۆ (مانەرلەپ سىرعاناۋ)،
- ەۆگەنيي كوشكين (كونكي سپورتى)،
- الەكساندرا سكوروحودوۆا مەن روستيسلاۆ حوحلوۆ (تاۋ شاڭعىسى سپورتى) بار.
سونىمەن قاتار شاڭعىمەن ترامپليننەن سەكىرۋدەن يليا ميزەرنىح پەن دانيل ۆاسيليەۆ تاعى 6 ليسەنزياعا ۇمىتكەر. رەسمي راستاۋ 22 قاڭتاردا شىعادى.
19 قىركۇيەك پەن 4 قازان ارالىعىندا جاپونيادا (ايتي پرەفەكتۋراسى، ناگويا قالاسى) جازعى ازيا ويىندارى وتپەك.
«قازىرگى تاڭدا قازاقستان ۇلتتىق قۇراماسى جەكە وقۋ-جاتتىعۋ جوسپارلارى بويىنشا دايىندىق جۇرگىزىپ جاتىر. الماتى قالاسىنان 23 سپورت ءتۇرى بويىنشا 79 سپورتشى قاتىساتىنى جوسپارلانىپ وتىر»، – دەيدى سپيكەر.
وقۋ-جاتتىعۋ جاعى ەۋروپا، ازيا ەلدەرى مەن اقش-تا ءوتىپ جاتىر.
كوماندانىڭ باستى ماقساتى – الدىڭعى ازيا ويىندارىنداعى ناتيجەدەن دە اسىپ ءتۇسۋ. بۇل جارىستارعا قاتىسۋ سپورتشىلار ءۇشىن 2028 جىلى لوس-اندجەلەستە وتەتىن جازعى وليمپيادا ويىندارىنا دايىندىقتىڭ ماڭىزدى كەزەڭى بولىپ، قاجەتتى حالىقارالىق تاجىريبە جيناۋعا مۇمكىندىك بەرەدى.
«سپورتشىلارىمىزدىڭ دايىندىعىن جوعارى دەڭگەيدە ۇستاپ، حالىقارالىق ارەناداعى پوزيسيالارىمىزدى نىعايتۋ سياقتى ءبىزدىڭ الدىمىزدا ۇلكەن مىندەت تۇر»، – دەپ تۇيىندەدى الماتى قالاسى سپورت باسقارماسىنىڭ باسشىسى.