سەبەبى ينفەكسيانىڭ جاڭادان ءورشۋ ءقاۋپى جوعارى بولىپ تۇر.
بۇگىن الماتى قالاسى اكىمىنىڭ ورىنباسارى ەرجان باباقۇماروۆ ونلاين فورماتتا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى قالالىق شتابتىڭ وتىرىسىن وتكىزدى، دەپ حابارلايدى Almaty-akshamy.kz.
جيىندا مەگاپوليستەگى قازىرگى ەپيدەميولوگيالىق احۋال، كارانتيندىك شەكتەۋلەردىڭ ساقتالۋىن جۇزەگە اسىرۋ ماسەلەلەرى قارالدى. اكىمنىڭ ورىنباسارى ءوز تاراپىنان ساياباقتار مەن ادامدار كوپ جينالاتىن وزگە دە جەرلەردە سانيتارلىق نورمالاردىڭ ساقتالۋىن كۇشەيتۋدى تاپسىردى.
الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى، قالانىڭ مەملەكەتتىك باس سانيتارلىق دارىگەرى جانداربەك بەكشين جۇقتىرۋ دەڭگەيىنىڭ تومەندەگەنىن حابارلادى. تاۋلىك ىشىندە كۆي-دىڭ 184 جاعدايى تىركەلدى. ونىڭ ۇستىنە سوڭعى 7 كۇندە سيمپتومدى ناۋقاستاردىڭ ۇلەس سالماعى وتكەن جىلعى 50%-بەن سالىستىرعاندا 83،2%-دى قۇرادى، بۇل جوعارى پاتوگەندى مۋتاسيالى COVID-19 شتاممىنىڭ قوعامدا تارالعانىن كورسەتەدى. جۇمىسپەن قامتۋ تۇرعىسىنان ينفەكسيالاردىڭ 21%-ى ءتۇرلى ج ش س، جك، اق قىزمەتكەرلەرىنە تيەسىلى، سوندىقتان جۇعۋدىڭ تارالۋىن بولدىرماۋ جانە شوب كاسىپورىندارىنىڭ جابىلماۋى ءۇشىن ۆاكسينا سالدىرۋ قاجەت.
ادامدار كوپ شوعىرلانعان جانە سانيتارلىق-ەپيدەميولوگيالىق نورمالار ساقتالماعان جەرلەردە، قالالىقتاردىڭ قوعامدىق ورىنداردا بولۋى سالدارىنان جۇقتىرۋدىڭ بارىنشا كوپ بولاتىنى انىقتالدى. ولار — بازارلار، ساياباقتار، دەمالىس ورىندارى مەن سوسو جانە ت. ب. مىسالى، ازىق-تۇلىك بازارلارىندا جۇقتىرۋ 8،9%-عا، ازىق-تۇلىك دۇكەندەرىندە — 8،9%-عا، سوسو مەن سۇ-دە — 6،3%-عا وسكەن.
وسىعان وراي احۋالدى ءارى قاراي تۇراقتاندىرۋ ءۇشىن قالا اكىمنىڭ ورىنباسارى ەرجان باباقۇماروۆ ادامدار كوپ جينالاتىن جەرلەردە مونيتورينگ توپتارىنىڭ جۇمىسىن كۇشەيتۋ قاجەتتىگىنە نازار اۋداردى.
اتاپ ايتقاندا، بازارلاردا، ۆوكزالداردا، اۋەجاي اۋماعىندا، سونداي-اق جازعى كەزەڭدى ەسكەرە وتىرىپ، سۋبۇرقاقتاردىڭ جانىندا، ساياباقتار مەن الاڭداردا سانيتارلىق پاترۋلدەردىڭ جۇمىسىن ۇيىمداستىرۋعا قاتىستى جەكە تاپسىرمالار بەرىلدى.
الماتى اكىمدىگى قالا تۇرعىندارى مەن قوناقتارىن سانيتارلىق شارالاردى ساقتاۋعا شاقىرادى، ويتكەنى ينفەكسيانىڭ جاڭادان ءورشۋ ءقاۋپى جوعارى، ونىڭ ىشىندە COVID-19 مۋتاسيالانعان شتاممدارى تەز ەنۋى مۇمكىن. بەتپەردە تاعۋ رەجيمىن، الەۋمەتتىك قاشىقتىقتى ساقتاۋ، ادامدار كوپ جينالاتىن جەرلەردەن اۋلاق بولۋ، سونداي-اق مەديسينالىق قارسى كورسەتىلىمدەر بولماسا، COVID-19 ۆاكسيناسىن الۋ وتە ماڭىزدى.