دەنساۋلىق ساقتاۋ مينيسترلىگى اپپاراتى باسشىسىنىڭ بۇيرىعىمەن قاسىمحان الپىسباي ۇلى الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى بولىپ تاعايىندالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
دەپارتامەنتتىڭ باسپا ءسوز قىزمەتىنەن ءمالىم ەتكەندەي، بۇگىن قازاقستان رەسپۋبليكاسى دەنساۋلىق ساقتاۋ مينيسترلىگى اپپاراتىنىڭ باسشىسى باتىربەك سۇلتان ۇلى ءابدىلدين جاڭا باسشىنى ۇجىمعا تانىستىردى جانە ءارى قارايعى قىزمەتىنە تابىس تىلەدى.
قاسىمحان الپىسباي ۇلى 1977 جىلدىڭ 21 قازانىندا وڭتۇستىك قازاقستان وبلىسى (تۇركىستان وبلىسى) تۇلكىباس اۋدانىندا دۇنيە كەلگەن، ۇلتى قازاق. 2000 جىلى قازاق مەملەكەتتىك مەديسينا ۋنيۆەرسيتەتىن «گيگيەنا جانە ەپيدەميولوگيا» ماماندىعى بويىنشا بىتىرگەن. 2006 جىلى ورتالىق-ازيا ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن. 2009 جىلى ءال-فارابي اتىنداعى قازاق ۇلتتىق ۋنيۆەرسيتەتىن «مەنەدجمەنت» ماماندىعى بويىنشا بىتىرگەن.
ەڭبەك جولىن 2000 جىلى بوستاندىك اۋدانى سانيتارلىق-ەپيدەميولوگيالىق قىزمەتىنەن باستاعان. ءار جىلدارى الماتى قالاسى اۋداندارىنىڭ سانيتارلىق-ەپيدەميولوگيالىق قىزمەتىندە سانيتارلىق دارىگەر بولىپ جۇمىس جاساعان. 2009 – 2014 جج. الماتى قالاسىنىڭ جەتىسۋ اۋدانى سانيتارلىق-ەپيدەميولوگيالىق قىزمەتىنىڭ باسشىسى بولىپ ىستەگەن. 2014 جىلدان بەرى الماتى قالاسىنىڭ مەدەۋ اۋدانى سانيتارلىق-ەپيدەميولوگيالىق قىزمەتىنىڭ باسشىسى بولىپ قىزمەت اتقارعان.
اعىمداعى جىلدىڭ 3 اقپانىنان باستاپ الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى بولىپ تاعايىندالدى. جۇمىستا جەتكەن جەتىستىكتەرى ءۇشىن «دەنساۋلىق ساقتاۋ سالاسىنىڭ ۇزدىگى»، «دەنساۋلىق ساقتاۋ سالاسىن دامىتۋعا قوسقان ۇلەسى ءۇشىن» ۆەدومستۆولىق ناگرادالارىمەن، «حالىق العىسى» مەدالىمەن ماراپاتتالعان.