فرانسيانىڭ اۆينون قالاسىندا اعىمداعى جىلدىڭ شىلدە ايىندا وتكەن حالىقارالىق «Off Avignon» فەستيۆالى اياسىندا الەمدىك تەاتر كەڭىستىگىندە بەدەلى زور «International Shakespeare Festival Craiova» ۇيىمداستىرعان ەرەكشە جوبا جۇزەگە استى، دەپ حابارلايدى اqshamnews.kz.
بۇل باستاما ۋيليام شەكسپير شىعارمالارىنىڭ زاماناۋي ينتەرپرەتاسياسىنا ارنالعان ۇزدىك سپەكتاكلدەر مەن تەاتر ۇجىمدارىن ىرىكتەۋدى ماقسات ەتەدى. الەمنىڭ ءار تۇكپىرىنەن ۇسىنىلعان 18 تەاتردىڭ اراسىنان ىرىكتەلىنگەن ەكى ۇزدىك ۇجىمنىڭ ءبىرى بولىپ الماتى قالاسى مەملەكەتتىك قۋىرشاق تەاترى تاڭدالدى. ونەر ورداسى الماتى قالاسى اكىمدىگىنىڭ قولداۋىمەن شىلدە ايىنىڭ 16-26 كۇندەرى ارالىعىندا ۋيليام شەكسپيردىڭ «رومەو مەن دجۋلەتتا» سپەكتاكلىن قۋىرشاق بەينەسىندە ساحنالاپ، كورەرمەننىڭ ىستىق ىقىلاسىنا بولەنگەن.
1994 جىلدان بەرى رۋمىنيانىڭ كرايوۆا قالاسىندا تۇراقتى تۇردە وتكىزىلىپ كەلە جاتقان بۇل فەستيۆال بۇگىندە الەمدىك تەاتر ساحناسىنداعى ەڭ بەدەلدى ءارى جاڭاشىل مادەني جوبالاردىڭ ءبىرى سانالادى. جىل سايىن اۋقىمى كەڭەيىپ، ونەر سۇيەر قاۋىمنىڭ ىقىلاسىنا بولەنىپ كەلە جاتقان فەستيۆال 2024 جىلى 70 ءتۇرلى لوكاسيادا 380 سپەكتاكل ۇسىنىپ، 200 مىڭنان استام كورەرمەندى قامتىعان بولاتىن. وسىنداي جوعارى تالاپتار مەن ىرىكتەۋ كەزەڭىنەن ءوتىپ، الەم ساحناسىندا ونەر كورسەتۋ مۇمكىندىگىنە يە بولۋ – الماتى قالاسىنىڭ مەملەكەتتىك قۋىرشاق تەاترى ءۇشىن ۇلكەن مارتەبە، ۇلتتىق مادەنيەتىمىز ءۇشىن ايرىقشا جەتىستىك.
«ءبىز “رومەو مەن دجۋلەتتا” سپەكتاكلىن تاماشالاپ شىقتىق. قاتتى سەرپىلىس الدىق. بۇل ءبىر ەرەكشە عاجايىپ سپەكتاكل بولدى. اۆينونداعى فەستيۆالدىڭ ۇزدىك تۋىندىلارىنىڭ ءبىرى دەپ ايتا الامىن. كوزىمە جاس العان ساتتەر دە بولدى. جوعارعى دەڭگەيدە ساحنالانعان، رەجيسسۋراسى دا، اكتەرلىك ويىنى دا كەرەمەت سپەكتاكل. بىزگە وسىنداي تۋىندىنى كورۋگە مۇمكىندىك بەرگەندەرىڭىز ءۇشىن العىس بىلدىرەمىز!» – دەپ اتاپ ءوتتى «International Shakespeare Festival Craiova» فەستيۆالىنىڭ ۇيىمداستىرۋشىسى اندرەي ستەفانەسكيۋ.
2026 جىلى رەجيسسەر دينا جۇمابايدىڭ «رومەو مەن دجۋلەتتا» سپەكتاكلى قازاق تىلىندە الەمدىك ساحناعا جول تارتىپ، جاڭا بيىككە كوتەرىلەدى. شەكسپير مۇراسىن جاڭا كوزقاراسپەن تالقىلايتىن، ءتۇرلى مادەنيەتتەردى بايلانىستىراتىن حالىقارالىق ديالوگ الاڭىنا اينالعان رۋمىنياداعى بۇل فەستيۆال – الماتى قالاسىنىڭ مەملەكەتتىك قۋىرشاق تەاترى ءۇشىن فرانسياداعى «Off Avignon» جوباسىنىڭ تابىستى ناتيجەسى بولدى.
تەاتر الەمىندەگى ۇزدىك شىعارماشىلىق ۇجىمدارمەن بايلانىس ورناتۋ، كاسىبي تاجىريبە الماسۋ، بولاشاقتا بىرلەسكەن جوبالاردى جۇزەگە اسىرۋعا مۇمكىندىك بەرۋ سىندى كوپتەگەن ماڭىزدى ماقساتتاردى جۇزەگە اسىرعان «Off Avignon» فەستيۆالى – الماتى قالاسى مەملەكەتتىك قۋىرشاق تەاترىنىڭ فرانسيا، انگليا، گەرمانيا، يتاليا سىندى ەلدەرمەن مادەني بايلانىسىن كەڭەيتىپ، شىعارماشىلىق كوكجيەگىن جاڭا دەڭگەيگە كوتەرگەن ماڭىزدى كوپىرگە اينالدى.