الماتى قۇتقارۋشىلارى شومىلۋ كەزىندە قاۋىپسىزدىك شارالارىن ساقتاۋعا شاقىردى

سۋداعى قاۋىپسىزدىك قاعيدالارىنىڭ نەگىزگى تالاپتارىن ساقتاۋ قاجەت.

قالاداعى توتەنشە جاعدايلار دەپارتامەنتىنىڭ ماماندارى شومىلۋ كەزىندە قاۋىپسىزدىك شارالارىن ساقتاۋ كەرەكتىگىن ايتتى، دەپ حابارلايدى Almaty-akshamy.kz.

«جازدىڭ جىلى كۇندەرىنىڭ باستالۋىمەن وڭتۇستىك استانادا قالانىڭ سۋ ايدىندارىندا دەمالعىسى كەلەتىن قالا تۇرعىندارىنىڭ سانى ايتارلىقتاي وسۋدە. ءدال وسى كەزەڭدە سۋدا ادامداردىڭ قازا بولۋىمەن بايلانىستى قايعىلى جاعدايلاردىڭ سانى كوپ تىركەلەدى. تاجىريبە كورسەتكەندەي، كوپتەگەن جاعدايلاردا ازاماتتار ماس كۇيىندە شومىلۋدان، جابدىقتالماعان جانە رۇقسات ەتىلمەگەن جەرلەردە شومىلۋ كەزىندە، سونداي-اق بالالاردىڭ وزەندەردىڭ جانىندا قاراۋسىز، ەرەسەكتەردىڭ قاراۋىنسىز قالۋىنا بايلانىستى قايتىس بولادى»،- دەلىنگەن تجد باسپا ءسوز قىزمەتىنىڭ حابارلاماسىندا.

سول سەبەپتەن ماماندار ساقتىق شارالاردى ەستەن شىعارماۋعا شاقىردى. دەمالىس ورىندارىندا سۋ ايدىنىندا بولعان كەزدە سۋداعى قاۋىپسىزدىك قاعيدالارىنىڭ نەگىزگى تالاپتارىن ساقتاۋ قاجەت. جول بەرىلمەيدى:

- سۋدا الكوگولدىك جانە ەسىرتكىلىك ماس كۇيىندە شومىلۋعا؛

- قايىقتاردان، كاتەرلەردەن، ايلاقتاردان، سونداي-اق وسى ماقساتتارعا بەيىمدەلمەگەن زاتتاردان سۋعا سەكىرۋگە؛

- تەكسەرىلمەگەن جانە جابدىقتالماعان جەرلەردە سۇڭگۋ؛

- تەحنيكالىق جانە ەسكەرتۋ بەلگىلەرىنە، بۋيكالارعا كوتەرىلۋ؛

- بالالارعا ەرەسەكتەردىڭ قاراۋىنسىز سۋعا كىرۋگە جانە ت. ب.

مامانداردىڭ ايتۋىنشا، شومىلۋ ماۋسىمى كەزىندە قاۋىپسىزدىكتى قامتاماسىز ەتۋ جانە ەسكەرتۋ ماقساتىندا اۋەزوۆ اۋدانى تج باسقارماسىنىڭ «سايران» كولىنىڭ باتىس جاعالاۋىندا اۋدان اكىمدىگىمەن بىرلەسىپ «جازعى كەزەڭدە سۋ ايدىندارىندا ءوزىن-وزى ۇستاۋ ەرەجەلەرى» سىلتەمەسىنە QR كودى بار اقپاراتتىق ستەند جانە «جۇزۋگە تىيىم سالىنادى» تاقتايشاسى ورناتىلدى.

جۇمىس شومىلۋ ماۋسىمى بويى جالعاساتىن بولادى.