جۇمىسشى ماماندىقتار قالاسىندا الماتى قۇرىلىس كوللەدجىنىڭ ستۋدەنتتەرى Arduino تەحنولوگياسىمەن ازىرلەگەن يننوۆاسيالىق «اقىلدى ءۇيدىڭ» ماكەتىن ۇسىندى.
اۆتوماتتاندىرۋ جۇيەسىندە ۋاقىتقا قاراي شامنىڭ ءجانىپ-سونۋىن رەتتەيتىن ينتەللەكتۋالدى جارىق سەنسورلارى، سونداي-اق دامىعان قاۋىپسىزدىك جۇيەسى قاراستىرىلعان، دەپ حابارلايدى aqshamnews.kz.
مۇندا قوزعالىس PIR-داچيكتەرى، گاز جانە ءتۇتىن سەنسورلارى بار، ولار ىقتيمال توتەنشە جاعدايلاردىڭ الدىن الادى. ال تەمپەراتۋرانى ولشەيتىن جانە ىلعالدىق سەنسورلارى جەلدەتۋ مەن جىلىتۋ جۇيەسىنىڭ جۇمىسىن اۆتوماتتى تۇردە رەتتەپ، جايلى ميكروكليماتتى قامتاماسىز ەتەدى.
«اقىلدى ءۇيدىڭ» بارلىق فۋنكسيالارىن Bluetooth جانە Wi-Fi ارقىلى سمارتفوننان قاشىقتان باسقارۋعا بولادى. ءقاۋىپ تونگەن جاعدايدا، ماسەلەن، گاز نەمەسە ءتۇتىن شىققان كەزدە جۇيە دەرەۋ حابارلاما جىبەرەدى، ال زۋممەرلەر مەن LCD-ديسپلەيلەر ءقاۋىپ تۋرالى ەسكەرتەدى.
«ءبىزدىڭ جوبامىز زاماناۋي تەحنولوگيالاردىڭ باسپانانى قالاي جايلى ءارى ءقاۋىپسىز ەتەتىنىن كورسەتەدى. مىسالى، گازدىڭ شىعۋىن جۇيە بىردەن انىقتاپ، يەسىنە حابارلاما جىبەرەدى»، — دەيدى كوللەدج ستۋدەنتى عابباس بايازيتوۆ.
جۇيەنىڭ بارلىق ەلەمەنتتەرىن ستۋدەنتتەر وزدەرى قۇراستىرىپ، باعدارلامالاعان. «اقىلدى ءۇيدى» باسقارۋعا ارنالعان ءموبيلدى قوسىمشا Play Market پەن App Store قوسىمشالارىندا قولجەتىمدى. بۇل جوبا وسىنداي تەحنولوگيالاردى تۇرعىن ۇيلەرگە قويۋدىڭ ناقتى پەرسپەكتيۆالارىن كورسەتىپ، ولاردىڭ ەنەرگيا تيىمدىلىگى مەن قاۋىپسىزدىك دەڭگەيىن ارتتىرادى.