بۇل جولدىڭ اقاۋى جايىندا بۇرىن دا حابارلاعانبىز.
132 ملرد تەڭگەگە سالىنعان «الماتى-قورعاس» تاس جولىنا سىبايلاس جەمقورلىققا كۇرەس وكىلدەرى تەكسەرىس باستادى، دەپ حابارلايدى Almaty-akshamy.kz
5 جىل بۇرىن عانا پايدالانۋعا بەرىلگەن حالىقارالىق ماڭىزى بار جول كۇننىڭ ىستىعىنا شىداس بەرمەي كوتەرىلىپ كەتكەن.
اقاۋ الماتى-قورعاس تاس جولىنىڭ 190-شاقىرىمىندا بولعان. ءقازىر بۇلىنگەن جەر جامالعان. ال اگەنتتىكتىڭ الماتى وبلىسىنداعى وكىلدەرى وقيعا ورنىنا بارىپ، ءمان-جايدى انىقتاپ، ارنايى تەكسەرىستى باستادى. «باتىس ەۋروپا-باتىس جۇڭگو» حالىقارالىق ترانزيتتىك ءدالىزىنىڭ الماتى وبلىسىنداعى جول قۇرىلىسى 2017 جىلى اياقتالدى. جولعا بەرىلگەن كەپىلدىك مەرزىمى 2019 جىلى ءوتىپ كەتكەن.
«جوبالاۋ كەزىندە «كومپەنساسيوننىي شوۆ» دەگەن بولادى. سول 500-600 مەتر سايىن سالىنىپ وتىرعان. الايدا ول جەتكىلىكسىز. مىسالى دۋبايدا 80-100 مەتر ارالىعىندا بولىپ تابىلادى. سوندىقتان قىسىم بولعاننان كەيىن اۋا-رايىنىڭ جىلىنۋىنا بايلانىستى بەتون كوتەرىلىپ جاتىر»، دەدى سىبايلاس-جەمقورلىققا قارسى ءىس-قيمىل اگەنتتىگى الماتى وبلىسى بويىنشا دەپارتامەنت باسشىسىنىڭ ءبىرىنشى ورىنباسارى نۇرسۇلتان بەكەنوۆ.