استانادا 16-18 ماۋسىم كۇندەرى دزيۋدودان الەمدىك Qazaqstan Barysy Grand Slam جارىسى وتەدى. الەمنىڭ كىل مىقتىلارى جينالاتىن دودا ەلورداداعى «بارىس ارەنا» سپورت سارايىندا وتكىزىلمەك، دەپ حابارلايدى Almaty-akshamy.kz.
قازاقستان دزيۋدو فەدەراسياسىنىڭ باسپا ءسوز قىزمەتى تاراتقان مالىمەتى بويىنشا حالىقارالىق دزيۋدو فەدەراسياسىنىڭ كۇنتىزبەسىنە «Qazaqstan barysy Grand Slam» اتاۋىمەن ەنگەن بۇل جارىسقا بارلىعى 43 ەلدەن 344 سپورتشى قاتىسادى. قاتىسۋشىلاردىڭ قاتارىندا وليمپيادا چەمپيوندارى مەن جۇلدەگەرلەرى نورا گاكوۆا (كوسوۆو)، فابيو بازيلە (يتاليا)، كيسيكيۋ ساراح (فرانسيا)، گۋرام تۋشۋشۆيلي (گرۋزيا)، ۆان دايك سانني (نيدەرلاندى)، ودەتتە گيۋففريد (يتاليا)، سونداي-اق الەم چەمپيوندارى مەن جۇلدەگەرلەرى اسسۋنتو سكۋتتو (يتاليا)، نەمانيا مايدوۆ (سەربيا)، بەكا گۆينياشۆيلي (گرۋزيا)، كيم ۆون دجين (وڭتۇستىك كورەيا) بار.
قازاقستان نامىسىن الەم چەمپيوناتىنىڭ كۇمىس جۇلدەگەرى عۇسمان قىرعىزبايەۆ، الەم چەمپيوناتىنىڭ قولا جۇلدەگەرى ابيبا ابۋجاقىنوۆا، بىرنەشە الەمدىك Grand Slam جانە گران-پري جارىستارىنىڭ جەڭىمپاز-جۇلدەگەرلەرى جانساي سماعۇلوۆ، نۇرقانات سەرىكبايەۆ، دانيار شامشايەۆ، عاليا تىنبايەۆا، يسلام بوزبايەۆ باستاعان ءبىرقاتار دزيۋدوشىلار قورعاماق.
ەستەرىڭىزگە سالا كەتسەك، بۇل دودانىڭ ناتيجەسىندە IJF ەرەجەلەرىنە سايكەس جارىستىڭ جەڭىمپازدارى مەن جۇلدەگەرلەرى اراسىندا الەمدىك جانە وليمپيادالىق رەيتينگتەردە ۇپايلار بولىنەدى. اتاپ ايتقاندا، 1 ورىن ءۇشىن 1000، 2 ورىن ءۇشىن – 700، ال 3 ورىن ءۇشىن – 500 ۇپاي ەسەپتەلەتىن بولادى.
«Qazaqstan barysy Grand Slam» تۋرنيرىندە دزيۋدوشىلار 2024 جىلى پاريجدە وتەتىن جازعى وليمپيادا ويىندارىنا قاتىسۋ ءۇشىن ۇپاي جينايدى.
قازاقستان دزيۋدو فەدەراسياسى مەن حالىقارالىق دزيۋدو فەدەراسياسىنىڭ (IJF) ەكىجاقتى ككەلىسىمشارتىنا سايكەس، قازاقستان الەمدىك Grand Slam جارىسىن 2023-2026 جىلدار ارالىعىندا قابىلدايدى.
ءۇش كۇنگە سوزىلاتىن بايراقتى باسەكەگە كىرۋ تەگىن.
جارىس كەستەسى:
16 ماۋسىم
جارىستىڭ باستالۋى – 10:00
اشىلۋ سالتاناتى – 16:00
فينالدىق بەلدەسۋلەر – 17:00
ايەلدەر: -48 كگ، -52 كگ، -57 كگ
ەرلەر: -60 كگ، -66 كگ
17 ماۋسىم
جارىستىڭ باستالۋى – 10:00
فينالدىق بەلدەسۋلەر – 17:00
ايەلدەر: -63 كگ، -70 كگ
ەرلەر: -73 كەلى، -81 كەلى
18 ماۋسىم
جارىستىڭ باستالۋى – 10:00
فينالدىق بەلدەسۋلەر – 17:00
ايەلدەر: -78 كەلى، +78 كەلى
ەرلەر: -90 كگ، -100 كگ، +100 كگ