بۇگىن الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا قوعامدىق كەڭەس وكىلدەرىنىڭ قاتىسۋىمەن باسپاسوز-كونفەرەنسياسى ءوتتى. ساراپشىلار مەگاپوليستىڭ كەيبىر الەۋمەتتىك ماڭىزدى ماسەلەلەرىن شەشۋدە قوعامدىق كەڭەس پەن مەملەكەتتىك ورگانداردىڭ ءوزارا ءىس-قيمىلىنىڭ ءتيىمدى نىساندارى تۋرالى ايتىپ، وتكەن جىل قورىتىندىلارىن تالقىلادى.
اتاپ وتەتىن نارسە، قوعامدىق كەڭەس – ول حالىق ءۇنى، ونىڭ مۇشەلەرى – ءوز ءىسى ءارى بەدەلىمەن ۇلكەن كاسىبي مامان ەكەنىن دالەلدەگەن جاندار. قالا تاعدىرىن ويلاپ، قوعامىمىزعا پايدالى بولعىسى كەلەتىن ادامدار. قوعامدىق كەڭەس ءوز جۇمىسىندا جول، اۋرۋحانا، بيۋدجەت قاراجاتىن ءتيىمدى پايدالانۋ جانە تاعى باسقا وزەكتى ماسەلەلەردىڭ بارلىعىن قامتيدى.
شارانى اشقان الماتى قالاسى قوعامدىق كەڭەسىنىڭ ءتوراعاسى، «اقپاراتتىق رەسۋرستىق ورتالىق» قق ديرەكتورى، الماتى قالاسى ءماسليحاتىنىڭ VIII شاقىرىلىم دەپۋتاتى التىناي كوبەيەۆا قوعامدىق كەڭەستىڭ 2016 جىلدان بەرى قالاي جۇمىس ىستەپ كەلە جاتقانىنا توقتالدى. قوعامدىق كەڭەستەر رەسپۋبليكالىق، وبلىستىق جانە جەرگىلىكتى دەڭگەيدە قۇرىلىپ، جۇمىس اتقارادى.
الماتى قوعامدىق كەڭەسىنىڭ قۇرامىنا ءارتۇرلى سالالاردا ساراپشى بولىپ تابىلاتىن 38 مۇشە كىرەدى (كونكۋرستىق نەگىزدە سايلاناتىن)، ونىڭ 35ء-سى ازاماتتىق قوعام وكىلدەرى جانە 3ء-ۋى مەملەكەتتىك ورگانداردىڭ وكىلدەرى. قوعامدىق كەڭەستىڭ قۇرامىنا 5 كوميسسيا جانە كوميسسيالار جانىنداعى كوميتەتتەر كىرەدى.
«جەكە جانە ءبىرشاما ناقتى ماسەلەلەردى شەشۋ ءۇشىن قوعامدىق كەڭەس پروبلەمالاردى تالداپ، ۇسىنىستار دايىندايتىن، سونداي-اق ولاردىڭ ورىندالۋ بارىسى مەن ساپاسىن باقىلايتىن تاۋەلسىز جانە بىلىكتى ساراپشىلاردى تارتادى. الەۋمەتتىك ماڭىزدى ماسەلەلەر بويىنشا تۇرعىندارمەن ءوزارا ارەكەتتەسۋ Facebook جەلىسىندەگى «قالالىق كەزەكشى» توبى، تۇرعىنداردىڭ قك مۇشەلەرىنىڭ الەۋمەتتىك جەلىلەرىنە وتىنىشتەر جىبەرۋ جانە ەلەكتروندى پوشتا ارقىلى جەدەل جۇزەگە اسىرىلادى»، - دەپ اتاپ ءوتتى ا. كوبەيەۆا.
جىل باسىنان بەرى قوعامدىق كەڭەس ءارتۇرلى مەملەكەتتىك ورگاندارعا ءتۇرلى ماسەلەلەر بويىنشا 351 ءوتىنىش پەن ۇسىنىمدار جىبەردى، ونىڭ ىشىندە جەكە تۇلعالاردىڭ 328ء-ى ءوتىنىشى بويىنشا قاراۋ/جاۋاپ الىندى، سونىمەن قاتار قك كوميسسيالارى سونىمەن قاتار، قوعامدىق كەڭەس كوميسسيالارى جەكە جانە زاڭدى تۇلعالاردىڭ (اق، ج ش س، قق، جك) 70 ءوتىنىشىن قارادى، ونىڭ ىشىندە 41 وتىنىشكە جاۋاپ بەرىلىپ، كوپتەگەن ماسەلەلەر شەشىمىن تاپتى. قالعان وتىنىشتەر قازىرگى ۋاقىتتا جۇمىستا، نەمەسە مەملەكەتتىك ورگانداردا ولاردىڭ شەشۋ قۇزىرەتىنە قاتىستى جاۋاپتار بەرىلدى.
التىناي ورمانقالي قىزى ءوز سوزىندە، «سامال-2» ىقشاماۋدانى تۇرعىندارىنىڭ بۇزىلعان ءۇيىنىڭ ورنىنا باسپانا بەرۋ ماسەلەسى شەشىلگەنىن مىسال كەلتىرىپ، اتاپ ءوتتى.
«بيىل قاڭتار ايىندا ءبىزدىڭ قوعامدىق كەڭەسكە مۇگەدەك بالانىڭ اناسى، «زەردەلى» شاعىن اۋدانىنداعى تۇرعىن ءۇيدىڭ كىرەبەرىسىنەن مۇگەدەكتەر ارباسىمەن شىعۋ ءۇشىن قولايلى جاعدايدىڭ جوقتىعىنا شاعىمدانعان. كوممۋنالدىق ينفراقۇرىلىمدى دامىتۋ باسقارماسىنىڭ تەكسەرۋ قورىتىندىسى بويىنشا بۇل ۋچاسكى «الماتى قالاسىنىڭ 2025 جىلعا دەيىنگى دامۋ باعدارلاماسى جانە 2030 جىلعا دەيىنگى ورتا مەرزىمدى پەرسپەكتيۆالارى» جول كارتاسىنا جانە «الماتىدا ينكليۋزيۆتى ورتا قۇرۋ» بولىمىنە ەنگىزىلگەن»، - دەدى قوعامدىق كەڭەس ءتوراعاسى.
سونىمەن قاتار، دۋنايەۆسكيي كوشەسىن تەسۋ سالدارىنان، بالاباقشا اۋماعى مەن جاسىل جەلەكتەردىڭ بۇلىنگەنىنە شاعىمدانعان الماگۇل ىقشاماۋدانى تۇرعىندارىنىڭ وتىنىشىنەن كەيىن، قوعامدىق كەڭەس مۇشەلەرى اۋدان اكىمىمەن كەزدەسۋ ۇيىمداستىرىپ، قالالىق موبيلدىلىك باسقارماسىنا ۇندەۋ جولدادى. كوشەنى تەسۋ بويىنشا جۇمىستار توقتاتىلدى.
قالا بەلسەندىلەرىنىڭ جۇمىسىنىڭ تاعى ءبىر باعىتى: «ميب، پيك جانە قس باسقارۋدىڭ جاڭا فورمالارى» تاقىرىبىندا ديالوگتىق الاڭدارىن وتكىزۋ. بيىل 200-دەن استام ءۇي تىركەلگەن «تۇرعىن ۇيلەردى كۇتىپ ۇستاۋدىڭ ءبىرىڭعاي شوعىرلاندىرۋشى ورتالىعى» ۇيىمداستىرىلدى، جانە دە بۇل ۇدەرىس جالعاسۋدا. قك مۇشەلەرىنىڭ ۇسىنىستارى الماتى قالاسىنىڭ اكىمىنە، پرەمەر-مينيسترگە جانە ق ر پارلامەنتى ماجىلىسىنە جولداندى.
2 ماۋسىمدا الماتى قالاسىنان ق ر سەناتىنىڭ دەپۋتاتى ج. ب. اسانوۆانىڭ قك-نىڭ كەڭەيتىلگەن وتىرىسى ءوتتى. وندا ميب/پيك/قس قۇقىقتىق مارتەبەسىنە جانە ق ر تۇرعىن ۇي-كوممۋنالدىق شارۋاشىلىق سالاسىنداعى زاڭناماسىنا ەنگىزىلگەن وزگەرىستەرگە قاتىستى ماسەلەلەر تالقىلاندى. وتىرىس قورىتىندىسى بويىنشا وسى قىزمەت سالاسىنا قاتىستى ۇسىنىستارى بار كەيس قالىپتاستىرىلىپ، ق ر ۇكىمەتىنە دەپۋتاتتىق سۇراۋ سالۋدى قالىپتاستىرۋ ءۇشىن جىبەرىلدى.
ءسوز سوڭىندا، ا.كوبەيەۆا قك بەلسەندىلەرى ءتۇرلى دەڭگەيدەگى نورماتيۆتىك قۇجاتتار بويىنشا 10 ۇسىنىس جولداعانىن اتاپ ءوتتى. III شاقىرىلىمداعى قوعامدىق كەڭەستىڭ قىزمەتى بۇگىنگى تاڭدا ازاماتتاردى تولعاندىراتىن ماسەلەلەردى شەشۋ بويىنشا اۋقىمدى جۇمىستىڭ اتقارىلعانىن كورسەتەدى. قوعامدىق كەڭەس بيلىك پەن ازاماتتىق قوعامدى بايلانىستىرۋشى بۋىن رەتىندە ەكى تاراپ اراسىندا ءتيىمدى ديالوگ قۇرا الدى.