الماتىدا قالالىق كەڭەستىڭ - قۇرىلىس، ەنەرگەتيكا، سۋمەن قامتاماسىز ەتۋ سياقتى ەڭ وزەكتى ماسەلەلەرگە بايلانىستى جۇمىسى جالعاسىپ جاتىر.
№2 كوميسسيانىڭ ءتوراعاسى گۇلميرا بايعابىلوۆا وڭىرلىك كوممۋنيكاسيالار قىزمەتىندە وتكەن پرەسس-كونفەرەنسيا كەزىندە وسىلاي دەدى، دەپ حابارلايدى aqshamnews.kz.
ونىڭ ايتۋىنشا، كوميسسيا مونيتورينگ جاساپ، دوڭگەلەك ۇستەلدەر وتكىزىپ، قالا اكىمدىگى مەن وعان قاراستى مەكەمەلەرگە 600-دەن استام ۇسىنىس جاساعان. 70% قىسقامەرزىمدىك، 50% ۇزاقمەرزىمدىك شەشىم قابىلداپ، ونى ورىنداۋعا كىرىسكەن.
سپيكەردىڭ ايتۋىنشا، قالا قۇرىلىسىنا قاتىستى كەڭەستىڭ جۇمىسىنا بايلانىستى كاسىبي پىكىر ءبىلدىرىپ، كەيبىرىن ءالى دە تولىقتىرۋدى ۇسىنىپ، كوميسسيا 200 جوبانى قاراعان. سونىمەن بىرگە، كوميسسيا مۇشەلەرى قۇرىلىستىڭ جاڭا ەرەجەسىن، اباتتاندىرۋ، كولىك ساياساتىن، باس جوسپار، ديزاين-كود سياقتى قۇجاتتاردى ازىرلەپ، ولاردى تالقىلاۋعا اتسالىسقان.
كوميسسيا تۇرعىندارمەن تىعىز جۇمىس ىستەۋگە ەرەكشە ءمان بەرىپ وتىر. اتاپ ايتقاندا، رەنوۆاسيا جانە ەرمەنساي ىقشاماۋدانىن سۋمەن قامتاماسىز ەتۋگە بايلانىستى اكىمدىكپەن بىرلەسىپ جۇمىس توبى قۇرىلدى.
گۇلميرا بايعابىلوۆانىڭ ايتۋىنا قاراعاندا، كوشەنى جارىقتاندىرۋعا بايلانىستى ۇسىنىس قابىلدانىپ، قولعا الىنعان. اۆتونومدى قازاندىقتاردى باقىلاۋ جانە ەلەكتر قۋاتىن كوگەنەراسيالاۋ بويىنشا جۇمىستار جالعاسقان.
كوميسسيا سونىمەن بىرگە ينكليۋزيۆتى جوبالاۋ، نىسانداردى قۇجاتتاۋ، «كولىكسىز اۋلا» كونسەپسياسىن دامىتۋ مەن قوعامدىق كولىككە وتىرعىزۋدى كوزدەيتىن كوپۆەكتورلى تۇراققا بايلانىستى جوبالاردى دا ىسكە اسىرعان. جاياۋ جۇرگىنشىلەرگە ارنالعان وتكەلدى ۇيىمداستىرىپ، ساموكاتتار مەن موپەدتەردىڭ قوزعالىسىن رەتتەيتىن ەرەجە شىعارۋعا ۇسىنىس ازىرلەندى.
«بيۋدجەتتى الدىن-الا تالقىلاۋ مەن جارمەڭكەدەن باستاپ كوپىردىڭ استىنداعى الاڭقايلارعا ارنالعان «جىلدام جەڭۋ» دەپ اتالاتىن جوبانىڭ ىسكە قوسىلۋى دا – تاعى ءبىر جاڭا باستامانىڭ ءبىرى بولىپ وتىر»، - دەدى كوميسسيا ءتوراعاسى.
كوميسسيا الەۋمەتتىك ماڭىزى بار نىساندارعا، سونىڭ ىشىندە «جايلى مەكتەپ» جوباسى مەن تەس-2-گە قاتىستى باستامالارعا مونيتورينگ جۇرگىزگەن. سونىمەن قاتار، كوميسسيا وكىلدەرى قالا اكىمى مەن اۋدان اكىمدەرىنىڭ تۇرعىندارمەن وتكىزگەن كەزدەسۋلەرىنە تۇراقتى تۇردە قاتىسىپ وتىردى.