Almaty Tourism Bureau Mastercard-پەن بىرلەسىپ، قالاعا كەلەتىن ساياحاتشىنىڭ ءجۇرىپ وتكەن جولىن ەگجەي-تەگجەي تالداپ، الماتىداعى تۋريست اعىنىنا زەرتتەۋ جۇرگىزدى. تالداۋ ساياحاتتىڭ نەگىزگى كەزەڭدەرىن قامتيدى – جوسپارلاۋ، برونداۋ، ورنالاسۋ مەن دەمالىس.
Tourism Insights (Mastercard) دەرەكتەرىنە سايكەس، الماتى ورتالىق ازيا بويىنشا تۋريستىك ىزدەۋ سۇرانىستارىنىڭ 29،7%-ىن يەلەنىپ، قازاقستاننىڭ باستى تۋريستىك ورتالىعى بولىپ قالا بەرەدى، بۇل الدىڭعى كورسەتكىشتەن 2 پايىز جوعارى. ءوسىمدى اۋە رەيستەرىنىڭ كوبەيۋىنەن بايقاۋعا بولادى: الماتىعا رەيستەر سانى ءداستۇرلى اۋە كومپانيالارىندا (+24،7%) جانە لوۋكوستەرلەردە (+44،5%) ارتتى. قايتا كەلۋشىلەردىڭ ۇلەسى 78،6%-عا ءوسىپ، 25%-عا جەتتى، ال اسىرەسە ءىرى شارالاردىڭ الدىندا بيلەتتەردى ەرتەرەك، 40 كۇن بۇرىن ىزدەۋ ۋاقىتى 24%-عا ارتتى.
الماتىعا رەيس بروندايتىن جولاۋشىلار سانى 1،5 ەسە وسە، بۇل قولجەتىمدى رەيستەردىڭ كوبەيۋىمەن بايلانىستى. الدىڭعى قاتارداعى 10 ەلدىڭ ىشىندە جۇڭگو ەرەكشە كوزگە تۇسەدى – 2024 جىلدىڭ ءبىرىنشى جارتىجىلدىعىندا بۇل ەلدەن برونداۋلار سانى 6 ەسەگە ارتىپ، 25،2 مىڭ بيلەتكە جەتتى. ەڭ كوپ برونداۋ تۇركيادان جاسالعان، بۇل قازاقستانمەن ىسكەرلىك بايلانىستاردىڭ تىعىزدىعىنا قاتىستى.
الماتىعا كەلەتىن تۋريستەر بەلسەندى دەمالىستى ءجون كورەدى: 54% تابيعات اياسىنداعى تۋرلار مەن ەكسكۋرسيالاردى، 44% دجيپ-تۋرلاردى تاڭدايدى. گاسترونوميا، شوپينگ جانە ويىن-ساۋىق جوعارى باعالانىپ ءجۇر، 70%-ى وڭ پىكىر بىلدىرگەن. وتباسىلىق تۋريزمگە قاتىستى جاعىمدى پىكىرلەر ۇلەسى 12 پايىزعا ءوستى. ىسكەرلىك شىعىندار بەلسەندىلىك، ينۆەستيسيالار جانە حالىقارالىق فورۋمداردىڭ كوبەيۋىنە بايلانىستى ءۇش ەسەگە ارتتى.
Almaty Tourism Bureau الماتىنىڭ تۋريستىك حابقا اينالۋ جوسپارى وسىلايشا جۇزەگە اسىپ جاتقانىن اتاپ ءوتتى. قالانىڭ اۋەجايى ارقىلى ترانزيت جولاۋشىلار سانىنىڭ ارتۋى ونىڭ حالىقارالىق باعىتتارداعى ءرولىنىڭ ءوسىپ كەلە جاتقانىن دالەلدەيدى. زەرتتەۋ الماتى دەمالىس پەن ىسكەرلىك ساپارلار ءۇشىن تانىمال باعىت بولىپ قالا بەرەتىنىن، ال قالانىڭ تۋريستىك سەكتورى قارقىندى دامىپ جاتقانىن كورسەتتى.
تولىق ەسەپ مىنا سىلتەمەدە.