شەكتەۋ 1 ناۋرىزدان باستاپ 1 ساۋىرگە دەيىن قويىلادى
"قازاۆتوجول" ۇك" اق 2025 جىلعى كوكتەمگى كەزەڭدە ۋاقىتشا ءجۇرىستى شەكتەۋدىڭ جىل سايىنعى قولدانىلۋ مەرزىمدەرىنە سايكەس جەكە بىلىككە تۇسەتىن جۇكتەمەسى 8 توننادان ارتىق اۆتوكولىك قۇرالدارىنىڭ جۇرىسىنە شەكتەۋ ەنگىزىلەتىنىن ايتتى، دەپ حابارلايدى aqshamnews.kz
ق ر يندۋستريا جانە ينفراقۇرىلىمدىق دامۋ ءمينيسترىنىڭ 2023 جىلعى 5 شىلدەدەگى №492 بۇيرىعىنىڭ 19 تارماعىنا سايكەس، رەسپۋبليكالىق اۆتوجولداردى قىسقى مەزگىلدەن كەيىن ساقتاۋ ماقساتىندا 2025 جىلعى 1 ناۋرىزدان باستاپ 1 ساۋىرگە دەيىن "بەسىنشى جول كليماتتىق ايماققا" جاتاتىن كەلەسى سەگىز وبلىستا شەكتەۋ ەنگىزىلەدى:
- الماتى وبلىسى
- اتىراۋ وبلىسى
- جامبىل وبلىسى
- ۇلىتاۋ وبلىسى
- قىزىلوردا وبلىسى
- ماڭعىستاۋ وبلىسى
- جەتىسۋ وبلىسى
- تۇركىستان وبلىسى
الايدا كەلەسى اۆتوكولىكتەردىڭ تۇرلەرىنە بۇل شەكتەۋلەر قولدانىلمايدى:
- حالىقارالىق جۇك جانە جولاۋشىلار تاسىمالىنا؛
- توتەنشە جاعدايلار مەن ولاردىڭ سالدارىن الدىن الۋ جانە ولاردى جويۋ جونىندەگى ءىس-شارالاردى جۇزەگە اسىراتىن كولىكتەرگە؛
- گۋمانيتارلىق كومەك كورسەتەتىن، ازىق-تۇلىكتەردى، دارى-دارمەكتەردى، جولاۋشىلار مەن باگاج تاسىمالىن جۇزەگە اسىراتىن كولىكتەرگە؛
- جول-قۇرىلىس جۇمىستارىنا پايدالانىلاتىن كولىكتەرگە.