مامانداردىڭ ايتۋىنشا، 85 پايىزعا جوندەۋ جۇمىستارى اياقتالدى
5 جىل بويى سالىنعان جول 5 اي وتپەي ءبۇلىنىپ جاتىر. كولىك جۇرگىزۋشىلەرى جاقىندا عانا قولدانىسقا بەرىلگەن التىن وردا بازارى ماڭىنداعى تاس جولدىڭ ساپاسى سىن كوتەرمەيدى دەپ اشۋلى، دەپ حابارلايدى Almaty-akshamy.kz Almaty.tv-گە سىلتەمە جاساپ.
جاڭا ءاسفالتتىڭ جۇلىم-جۇلىمى شىقانىن ايتقان جۇرت جاۋاپسىز مەردىگەر كومپانيا وكىلدەرىنە نارازى.
توعىز جولدىڭ تورابى سانالعان بۇل ترانزيتتىك دالىزدەن كۇنىنە شامامەن 18 مىڭ كولىك قالاعا كىرىپ شىعادى. ءبىز تۇرعان الماتى-قاسكەلەڭ تاس جولىنىڭ ءبىر بولىگى وتكەن جىلى جەلتوقسان ايىندا پايدالانۋعا بەرىلگەن ەدى. ارادا 6 اي وتسە دە جول قۇرىلىسى تولىق دايىن ەمەسكە ۇقسايدى. سەبەبى وزدەرىڭىز كورگەندەي كوپىر ۇستىندە قۇرىلىس جۇمىستارى تولاستار ەمەس.
كۇردەلى اينالما جولدى سالۋداعى نەگىزگى ماقسات - كولىك كەپتەلىسىن ازايتۋ. رەسپۋبليكالىق ماڭىزى بار بۇل تاس جولدىڭ بويىندا كولىك اعىنى كوپ. جۇرگىزۋشىلەر ەستاكادا قولدانىسقا بەرىلسە دە، كەپتەلىستەن كوز اشپادىق دەپ وتىر.
«قازاۆتوجول» ۇلتتىق كومپانيا وكىلدىگىنىڭ ايتۋىنشا، اينالما جولعا كەتكەن قارجى 8 ملرد تەڭگە. بۇل رەسپۋبليكالىق بيۋدجەتتەن الىنعان.
ال جاۋاپتى سالا ماماندارى كولىك جۇرگىزۋشىلەرىنىڭ شاعىمىنا قاتىستى الاڭداۋعا ەش نەگىز جوق دەپ وتىر. ءقازىر كوپىر ءۇستىنىڭ اسفالت-بەتون جامىلعىسى قايتا توسەلىپ جاتقانىن ايتتى. قۇرىلىس جۇمىستارى رايىمبەك باتىر كوشەسىنە دەيىن جالعاسادى ەكەن. ول ءۇشىن كولىك قوزعالىسى توقتامايدى. تاس جول توسەۋ جۇمىستارى جول جابىلماي-اق جۇرگىزىلەدى.
«جەلتوقسان ايىندا پايدالانۋعا بەرىلگەن تاس جول تولىق اياقتالعان جوق. التىن وردا بازارى ماڭىندا كولىك اعىنى كوپ بولعاندىقتان ۋاقىتشا اشتىق. ءقازىر 85 پايىزعا جۇمىس اياقتالدى. قالعانىن كۇزگە دەيىن تولىق اياقتاپ تاپسىرامىز»، – دەدى «قازاۆتوجول»ۇك» اق الماتى وبلىستىق فيليالى ديرەكتورىنىڭ ورىنباسارى نۇرجان تاڭاتاروۆ.
«قازاۆتوجول» ۇلتتىق كومپانياسى وكىلدەرىنىڭ ايتۋىنشا، كۇز مەزگىلىندە تولىق اياقتالاتىن التىن وردا جولى 25 جىلعا دەيىن شىداس بەرەدى ەكەن. بۇدان كەيىن تاس جولعا قاتىستى ەشقانداي ماسەلە بولمايدى دەپ سەندىردى. ەسكە سالايىق، 2017 جىلى باستالعان جول قۇرىلىسى 2019-دا اياقتالىپ، تاپسىرىلۋى كەرەك ەدى. مەردىگەر كومپانيالاردىڭ جاۋاپسىزدىعى مەن جەر تەلىمدەرىن ساتىپ الۋعا بايلانىستى قۇرىلىس ءالى كۇنگە دەيىن ساعىزشا سوزىلىپ كەلەدى.