باسەكەلەستىكتى قورعاۋ جانە دامىتۋ اگەنتتىگىنىڭ اتىراۋ وبلىسى بويىنشا دەپارتامەنتى ايماقتا جوعارى ءبىلىم بەرۋ (باكالاۆريات) قىزمەتتەرى نارىعىندا باسەكەلەستىكتىڭ جاي-كۇيىن تالداپ، باعالاۋ جۇرگىزدى، دەپ حابارلايدى Almaty-akshamy.kz.
وسىنىڭ ناتيجەسىندە، حالەل دوسمۇحامەدوۆ اتىنداعى اتىراۋ ۋنيۆەرسيتەتى ايماق نارىعىندا 70%-دان استام ۇلەسىمەن ۇستەمدىككە يە ەكەندىگى انىقتالدى. اتالمىش جوو-دا «ستاندارتتاۋ، مەترولوگيا جانە سەرتيفيكاتتاۋ»، «ەسەپتەۋ تەحنيكاسى جانە باعدارلامالىق قامتاماسىز ەتۋ»، «اقپاراتتىق جۇيەلەر» جانە باسقا دا ءبىرقاتار ماماندىقتار بويىنشا وقۋ قۇنى اتىراۋ ينجەنەرلىك-گۋمانيتارلىق ينستيتۋتى، سافي وتەبايەۆ اتىنداعى اتىراۋ مۇناي جانە گاز ۋنيۆەرسيتەتىندەگى ۇقساس ماماندىقتارعا قاراعاندا 35-60% - عا جوعارى ەكەنى انىقتالدى.
وسىنى قاپەرگە العان وڭىرلىك مونوپولياعا قارسى دەپارتامەنتى حالەل دوسمۇحامەدوۆ اتىنداعى اتىراۋ ۋنيۆەرسيتەتىنە قاتىستى 2022 جىلدىڭ 10 ماۋسىمىندا مونوپوليالىق جوعارى باعالاردى بەلگىلەپ، ۇستاپ تۇرعان ءۇشىن تەرگەپ-تەكسەرۋ جۇمىستارىن باستادى.