الماتى ۆوكزالىنىڭ ماڭىندا جولاۋشىلاردىڭ مازاسىن الىپ، بالاعات ءسوز ايتقان ادام ۇستالدى

الماتىدا ۆوكزال ماڭىندا ادامداردىڭ مازاسىن الىپ، بيلەتتەردى ساتىپ الۋدى ۇسىنىپ، بالاعات سوزدەر ايتقان 60 جاستاعى تۇرعىن ايىپپۇل تولەۋى مۇمكىن.

الماتى-2 ستانسياسىنداعى جەلىلىك پوليسيا بولىمشەسىنە وڭتۇستىك استانانىڭ 73 جاستاعى تۇرعىنى بەلگىسىز ايەلگە قاتىستى شارا قابىلداۋ تۋرالى ءوتىنىش ءبىلدىردى. ونىڭ ايتۋىنشا، ەگدە جاستاعى ايەل جولاۋشىلاردىڭ مازاسىن الىپ، اۋە جانە تەمىرجول بيلەتتەرىن ساتىپ الۋدى ۇسىنىپ، قوعامدىق ورىندا بالاعات سوزدەر ايتقان، دەپ حابارلايدى  Almaty-akshamy.kz Polisia.kz-كە سىلتەمە جاساپ. 

وعان قاتىستى ق ر اقبتك-نىڭ 449-بابى 1-بولىگى (قوعامدىق ورىنداردا ءتيىسۋ)، 434-بابى 3-بولىگى (ۇساق بۇزاقىلىق) بويىنشا اكىمشىلىك حاتتاما تولتىرىلىپ، ءىس شەشىم قابىلداۋ ءۇشىن الماتى قالاسى مامانداندىرىلعان اۋدانارالىق اكىمشىلىك سوتىنا جولداندى.

ايتا كەتۋ كەرەك، اتالعان ازاماتشا بۇعان دەيىن ۇساق بۇزاقىلىق جازاعانى ءۇشىن اكىمشىلىك جاۋاپقا تارتىلعان بولاتىن. قوعامدىق ورىنداردا بالاعات سوزدەر ايتقانى ءۇشىن قۇقىق بۇزۋشىعا 20 ايلىق ەسەپتىك كورسەتكىش (69 000 تەڭگە) كولەمىندە ايىپپۇل سالىنۋى مۇمكىن. ەستەرىڭىزگە سالا كەتەيىك، اعىمداعى جىل باسىنان بەرى كولىك پوليسەيلەرى ەلىمىزدىڭ اۋە جانە تەمىرجول كولىگى وبەكتىلەرىندە 16 720 اكىمشىلىك قۇقىق ۇزۋشىلىق فاكتىسىن انىقتاعان بولاتىن. ونىڭ ىشىندە قوعامدىق ورىنداردا تيىسكەنى ءۇشىن – 930، ۇساق بۇزاقىلىق جاساعانى ءۇشىن – 217 ادام جاۋاپقا تارتىلعان.