كونكۋرس «قوعامدىق كەڭەستەر تۋرالى» قازاقستان رەسپۋبليكاسى زاڭىنىڭ 9-بابىنا جانە قازاقستان رەسپۋبليكاسى اقپارات جانە قوعامدىق دامۋ ءمينيسترىنىڭ 2021 جىلعى 26 اقپانداعى № 69 بۇيرىعىمەن بەكىتىلگەن قوعامدىق كەڭەس تۋرالى ۇلگىلىك ەرەجەگە سايكەس وتكىزىلەدى.
قوعامدىق كەڭەس مۇشەلەرىنىڭ ساندىق قۇرامى – 42 ادام، ونىڭ ىشىندە:
- كوممەرسيالىق ەمەس ۇيىمداردىڭ وكىلدەرى، ازاماتتار – 39 ادام؛
- مەملەكەتتىك ورگانداردىڭ وكىلدەرى – 3 ادام.
قوعامدىق كەڭەس مۇشەلىگىنە كانديداتۋرالاردى كوممەرسيالىق ەمەس ۇيىمدار، ازاماتتار، ونىڭ ىشىندە ءوزىن-وزى ۇسىنۋ ارقىلى ۇسىنادى. كوممەرسيالىق ەمەس ۇيىم بولىپ تابىلاتىن ءبىر زاڭدى تۇلعادان قوعامدىق كەڭەسكە ءبىر عانا وكىل سايلانا الادى.
الماتى قالاسىنىڭ قوعامدىق كەڭەسىنىڭ مۇشەلىگىنە ون سەگىز جاسقا تولعان، سونداي-اق الماتى قالاسىندا تۇراقتى تۇراتىن قازاقستان رەسپۋبليكاسىنىڭ ازاماتى كانديدات بولا الادى.
كونكۋرسقا قاتىسۋعا نيەت بىلدىرگەن ازاماتتار، كوممەرسيالىق ەمەس ۇيىمداردىڭ وكىلدەرى مىناداي قۇجاتتاردى ۇسىنادى:
1) كانديداتۋرانى قوعامدىق كەڭەستىڭ قۇرامىنا ۇسىنۋ تۋرالى كوممەرسيالىق ەمەس ۇيىمنىڭ جازباشا ۇسىنىسى جانە (نەمەسە) ازاماتتىڭ ءوتىنىشى؛
2) ءومىربايان دەرەكتەرى كورسەتىلە وتىرىپ، كانديداتتىڭ كاسىپتىك جانە (نەمەسە) قوعامدىق قىزمەتى تۋرالى مالىمەتتەر؛
3) سوتتالعاندىعىنىڭ بولۋى نە بولماۋى تۋرالى انىقتاما؛
4) پسيحيكالىق، مىنەز-قۇلىقتىق، ونىڭ ىشىندە پسيحيكاعا بەلسەندى اسەر ەتەتىن زاتتاردى تۇتىنۋعا بايلانىستى بۇزىلۋشىلىقتاردىڭ (اۋرۋلاردىڭ) بولۋى نە بولماۋى تۋرالى انىقتاما؛
5) كانديداتتىڭ دەربەس دەرەكتەرىن جيناۋعا، وڭدەۋگە، تاراتۋعا جانە جاريالاۋعا كەلىسىم ۇسىنىلادى.
قوعامدىق كەڭەس مۇشەلىگىنە كانديدات وسى تارماقتىڭ ءبىرىنشى بولىگىنىڭ 3) جانە 4) تارماقشالارىندا كوزدەلگەن انىقتامالاردى ءوز بەتىنشە نەمەسە الماتى قالاسى ءماسليحاتىنىڭ كورسەتىلگەن انىقتامالاردى اقپاراتتىق جۇيەلەردەن تالاپ ەتىپ الدىرۋىنا جازباشا كەلىسۋى ارقىلى ۇسىنادى.
كونكۋرسقا قاتىسۋ ءۇشىن قۇجاتتاردى قابىلدايتىن مەملەكەتتىك ورگان – الماتى قالاسىنىڭ ءماسليحاتى. قۇجاتتار قولما-قول بەرىلەدى نەمەسە الماتى قالاسى ءماسليحاتىنىڭ ەلەكتروندىق مەكەن جايىنا جىبەرىلەدى.
قوعامدىق كەڭەس مۇشەلىگىنە كانديداتتىڭ:
1) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جويىلماعان نەمەسە الىنباعان سوتتالعاندىعى بولماۋعا؛
2) سوت زاڭدا بەلگىلەنگەن تارتىپپەن سىبايلاس جەمقورلىق قىلمىس جانە (نەمەسە) سىبايلاس جەمقورلىق قۇقىق بۇزۋشىلىق جاساۋدا كىنالى دەپ تانىماعان بولۋعا؛
3) پسيحيكالىق، مىنەز-قۇلىقتىق، ونىڭ ىشىندە پسيحيكاعا بەلسەندى اسەر ەتەتىن زاتتاردى تۇتىنۋعا بايلانىستى بۇزىلۋشىلىقتاردىڭ (اۋرۋلاردىڭ) سەبەبى بويىنشا پسيحيكالىق دەنساۋلىق سالاسىندا مەديسينالىق كومەك كورسەتەتىن ۇيىمداردا ەسەپتە تۇرماۋعا ءتيىس.
ۇمىتكەرلەر كەلەسى جاعدايلاردا كونكۋرسقا جىبەرىلمەيدى:
1) وسى حابارلاندىرۋدا كورسەتىلگەن قۇجاتتار مەن تولىق مالىمەتتەر ۇسىنىلماعان كەزدە؛
2) دايەكسىز اقپاراتتى قامتيتىن قۇجاتتاردى جانە (نەمەسە) مالىمەتتەردى ۇسىنعان كەزدە.
قۇجاتتاردى تاپسىرۋ مەرزىمى: حابارلاندىرۋ جاريالانعان كۇننەن كەيىن 10 جۇمىس كۇنى ىشىندە.
قۇجاتتار 2025 جىلعى 03 ساۋىردەن باستاپ 2025 جىلعى 16 ءساۋىردى قوسا العاندا ساعات 18.00-گە دەيىن قابىلدانادى.
مەكەن جايى: الماتى ق.، جاروكوۆ كوشەسى، 215، 103 كابينەت.
ەلەكتروندى پوشتا: maslihat23@mail.ru
انىقتاما ءۇشىن تەلەفون: 8 (727) 3382635.
جۇمىس رەجيمى: «الماتى قالاسى ءماسليحاتىنىڭ اپپاراتى» كمم دۇيسەنبىدەن جۇماعا دەيىن ساعات 09.00-دەن 18.00-گە دەيىن، تۇسكى ءۇزىلىس ساعات 13.00-دەن 14.00-گە دەيىن.
ءوتىنىش نىسانى الماتى قالاسى ءماسليحاتىنىڭ رەسمي ينتەرنەت-رەسۋرسىندا ورنالاستىرىلعان (https://www.gov.kz/memleket/entities/maslihat-almaty).