باس پروكۋروردىڭ تاپسىرماسىن ورىنداۋ ماقساتىندا الماتى قالاسىنىڭ پروكۋراتۋراسى ەسىرتكى قۇرالدارى مەن پسيحوتروپتىق زاتتار جارنامالانىپ، تاراتىلاتىن 16 تەلەگرام-ارنانى بۇعاتتادى، دەپ حابارلايدى aqshamnews.kz.
تەكسەرۋ بارىسىندا قاتىسۋشىلارعا تىيىمسالىنعان زاتتاردى ساتىپ الۋ مۇمكىندىگىمەن قاتار «زاكلادچيك» جۇمىسى ۇسىنىلعانى انىقتالدى.
ناتيجەسىندە سوت مەدەۋ اۋدانى پروكۋرورىنىڭ تىيىم سالىنعان رەسۋرستاردى بۇعاتتاۋ تۋرالى تالابىن قاناعاتتاندىردى، ولاردىڭ قىزمەتى توقتاتىلدى. كىنالى تۇلعالاردى بەلگىلەنگەن جاۋاپكەرشىلىككە تارتۋ ماقساتىندا قاداعالاۋ ورگانى قىلمىستىق كودەكستىڭ 299-1-بابى 1-بولىگى بويىنشا سوتقا دەيىنگى تەرگەپ-تەكسەرۋدى باستاپ (ەسىرتكىقۇرالدارىن، پسيحوتروپتىق زاتتاردى نەمەسە ولاردىڭ انالوگتارىن، پرەكۋرسورلاردى ناسيحاتتاۋ نەمەسە زاڭسىز جارنامالاۋ)، ودان ارىتەرگەۋ ءۇشىن پوليسياعا جولدادى.
الماتى قالاسىنىڭ پروكۋراتۋراسى جەدەل بۇعاتتاۋ ءۇشىن ازاماتتاردى ۇقساس ينتەرنەت-رەسۋرستار انىقتالعان جاعدايلار تۋرالى حابارلاۋعا شاقىرادى.