الماتى قالاسىندا ورنالاسقان №11 مەكەمەدە «رەسپۋبليكا كۇنى – ۇلتتىق مەرەكە» جانە «قازاقستان – تۋعان ولكەم» دەگەن تاقىرىپتارمەن تانىمدىق، پاتريوتتىق ءىس-شارا ءوتتى.
وعان جامبىل اتىنداعى قالالىق جاسوسپىرىمدەر كىتاپحاناسىنىڭ ءىس-شارالاردى ۇيىمداستىرۋ ءبولىمىنىڭ باسشىسى ر.قوزبەكوۆا جانە كىتاپحاناشىلار قاتىستى.
ءىس-شارادا تۇزەۋ مەكەمەسىندە جازاسىن وتەپ جاتقان جاسوسپىرىمدەر رەسپۋبليكا تاقىرىبىن بەينەلەيتىن سۋرەتتەر سالدى. سول سۋرەتتەرىنە تۇسىنىكتەمە بەرىپ، ءمان-ماعىناسىن بايانداپ بەردى. سونىمەن قاتار، پاتريوتتىق ولەڭدەردى مانەرلەپ وقىدى. ەلدىك تاقىرىپتاعى اندەردى شىرقادى. كىتاپحاناشىلار دايىنداعان كىتاپ كورمەسىن تاماشالادى.
ءىس-شارا سوڭىندا جەڭىمپاز جاسوپىرىمدەردى جامبىل اتىنداعى قالالىق جاسوسپىرىمدەر كىتاپحاناسىنىڭ قىزمەتكەرلەرى جاقسى ونەر كورسەتكەندەرى ءۇشىن ماراپاتتاپ، كىتاپتار سىيعا تارتۋ ەتتى.
– جالپى، تۇزەۋ مەكەمەسىندەگى باس بوستاندىعىنان ايىرىلعان ورەندەر ءبىز جۇرگەن سىرتقى الەمگە شىقپايدى، شىعارىلمايدى. سوندىقتان بولار، باسقا الاڭدايتىن، ەلىتەتىن ەشتەڭە جوق، ساباقتارىنا بارادى، كىتاپحاناعا كىرەدى، كوركەم شىعارمالار وقيدى، وسىنداي تانىمدىق، كوپشىلىك ءىس-شارالارعا بەلسەنە قاتىسادى. وسى ورايدا جامبىل اتىنداعى قالالىق جاسوسپىرىمدەر كىتاپحاناسىنىڭ قىزمەتكەرلەرىنە العىس ايتقىم كەلەدى، – دەيدى №11 مەكەمەسىنىڭ ءسااپتجب باستىعى، ادىلەت پودپولكوۆنيگى الما بازىلبايەۆا.