الماتىنىڭ جەتىسۋ اۋدانىنداعى كەمەل ش/ا قۇرىلىسى اعىمداعى جىلدىڭ تامىز ايىندا باستالعان كوپىردىڭ تەحنيكالىق اشىلۋى ءوتتى. ەستەرىڭىزگە سالا كەتەيىك، بۇعان دەيىن مەگاپوليس باسشىسى ەربولات دوسايەۆتىڭ تاپسىرماسى بويىنشا كوپىر بويىنداعى اپاتتى جاعدايعا سالدارىنان قوزعالىس جابىلىپ، جاڭاسىن سالۋ تۋرالى شەشىم قابىلدانعان بولاتىن، دەپ حابارلايدى aqshamnews.kz
ءبىر ارالىقتى تيپتەگى جاڭا كوپىر قۇرىلىمى قىسقا مەرزىمدە-شامامەن 4 ايدا تۇرعىزىلدى. جۇمىستىڭ ءبىرىنشى كەزەڭى اياسىندا اپاتتىق كوپىردى بولشەكتەۋ، ينجەنەرلىك جەلىلەردى قايتا قۇرۋ، 29 مەترلىك بۇرعىلاۋ قادالارىن مونتاجداۋ، تىرەكتەر مەن تىرەك جەلىلەرىن ورناتۋ جۇرگىزىلدى.
سالىنعان كوپىر ەسكىدەن ەكى ەسە ۇزىن: 16،8 مەترگە قارسى 33 مەتر. سونداي-اق ەنى 8،5-تەن 14،5 مەترگە دەيىن ۇلعايتىلدى، ءجۇرىس بولىگىنىڭ ەكى جاعىندا ءارقايسىسى 1،5 مەتر جاياۋ جۇرگىنشىلەر تروتۋارى ۇيىمداستىرىلدى.
جاڭا كوپىر تولىعىمەن اياقتالدى جانە بارلىق ەرەجەلەرگە ساي سالىنعان. ول اۆتوكولىك جۇرگىزۋشىلەرى مەن جاياۋ جۇرگىنشىلەر ءۇشىن ءقاۋىپسىز قوزعالىسقا كەپىلدىك بەرە وتىرىپ، بارلىق قاجەتتى تەكسەرۋلەر مەن سىناقتاردان ءوتتى.
ەكىنشى كەزەڭ اياسىندا وزەن ارناسىن نىعايتۋ جانە جارىقتاندىرۋدى قامتيتىن اباتتاندىرۋ جۇمىستارى جالعاسۋدا. بۇدان باسقا، وزەن ارناسىن تەحنيكا ءۇشىن ۋاقىتشا نەگىزدەن تازارتۋ جۇرگىزىلەتىن بولادى. بۇل جۇمىستاردى اعىمداعى ايدىڭ سوڭىنا دەيىن جۇرگىزۋ جوسپارلانۋدا.
ەستەرىڭىزگە سالا كەتەيىك، ماۋسىم ايىندا 60-شى جىلدارداعى كوپىر قۇرىلىسىنا جۇرگىزىلگەن تەحنيكالىق تەكسەرۋ بەتون كونسترۋكسيالارىنىڭ ءىشىنارا بۇزىلۋىن، كوپىر تىرەكتەرىندە جارىقتاردىڭ پايدا بولۋىن، دەفورماسيالىق تىگىستىڭ بولماۋىن جانە وزگە دە اقاۋلاردى انىقتادى.
جەرگىلىكتى تۇرعىندار نورماتيۆتىك مەرزىمنەن الدەقايدا جىلدام سالىنعان كوپىردىڭ اياقتالعانىنا قۋانىشتارىن جاسىرمايدى.
«ءبىز ەسكى كوپىردى ۇزاق ۋاقىت جوندەۋدى كۇتتىك، ءبىراق ءبىز جاڭاسىن، سونىمەن قاتار وتە قىسقا مەرزىمدە سالىنعانىنا تاڭ قالدىق. جۇمىس ساپالى جانە جاياۋ جۇرگىنشىلەرگە ىڭعايلى جۇرگىزىلگەنىن كورۋگە بولادى. جاڭا كوپىر تالاي ونجىلدىقتارعا قىزمەت ەتەتىن بولادى دەپ سەنىمدى تۇردە ايتۋعا بولادى»، - دەدى يۋليا حۆالىنسكايا.
سەمەيگۇل زيادانوۆا دا جاڭا كوپىردى باعالادى. «بۇل كوپىر شاعىن اۋدان تۇرعىندارى ءۇشىن ۇلكەن ماڭىزعا يە، ويتكەنى ول ارقىلى بىرنەشە اۆتوبۋس مارشرۋتتارى، سونداي-اق مەكتەپ اۆتوبۋسى وتەدى. بۇل وبلىس تۇرعىندارى مەن جاقىن ماڭداعى اۋىلدارعا باراتىندار ءۇشىن وتە قاجەت. كوپىر كۇندەلىكتى ساپارلاردىڭ قىسقا بولۋىن قامتاماسىز ەتەدى»، - دەدى ول.
