كارديولوگيا جانە ىشكى اۋرۋلار عزي بازاسىندا ەلىمىزدەگى ىشەكتىڭ قابىنۋ اۋرۋلارىن (Iقا)، قىسقا ىشەك سيندرومىن (ءقىس) ەمدەۋ جانە نۋتريتيۆتىك تۇزەتۋ جونىندەگى العاشقى مامانداندىرىلعان ورتالىق اشىلدى.
ىشەكتىڭ قابىنۋ اۋرۋلارى، سونىڭ ىشىندە كرون اۋرۋى جانە ويىق جارالى كوليت بۇكىل الەمدە كەڭ تارالعان. تابىسى جوعارى اقش پەن ەۋروپا ەلدەرىندە 6 ميلليونعا جۋىق ادام ىشەكتىڭ قابىنۋ اۋرۋلارىنان زارداپ شەگەدى. جاعدايلاردىڭ سانى دامۋشى ايماقتاردا، سونىڭ ىشىندە بۇرىن بۇل اۋرۋلار سالىستىرمالى تۇردە تومەن بولعان ازيادا دا وسۋدە. قازاقستاندا دا ءىقا تارالۋى ارتىپ كەلەدى. قازاقستاندا ءاربىر 100 مىڭ ادامعا شامامەن 5-10 ءىقا جاعدايى كەلەدى جانە بۇل كورسەتكىش، اسىرەسە دياگنوستيكانىڭ جاقسارۋىن جانە اۋرۋلار تۋرالى حاباردارلىقتىڭ ارتۋىن ەسكەرە وتىرىپ، ءالى دە ءوسۋى مۇمكىن.
قىسقا ىشەك سيندرومى - سيرەك كەزدەسەتىن، ءبىراق اۋىر اۋرۋ، ادەتتە جاراقاتتار، اۋرۋلار نەمەسە كرون اۋرۋى سياقتى ءىقا اسقىنۋلارى سالدارىنان اش ىشەكتىڭ ماڭىزدى بولىكتەرىن حيرۋرگيالىق كەسۋدەن كەيىن پايدا بولادى. الەمدە ءقىس تارالۋى ملن. ادامعا شاققاندا 1-9 جاعداي رەتىندە باعالانادى. بۇگىنگى تاڭدا ەلىمىزدە قىسقا ىشەك سيندرومىنا شالدىققان ناۋقاستاردىڭ ءبىرىڭعاي ستاتيستيكاسى جوق، ويتكەنى ءقىس دياگنوزى جوعارى مامانداندىرىلعان ورتالىقتار جاعدايىندا كۇردەلى دياگنوستيكانى قاجەت ەتەدى.
ىشەكتىڭ قابىنۋ اۋرۋلارى مەن قىسقا ىشەك سيندرومى ۇلتتىق دەنساۋلىق ساقتاۋ ءۇشىن ۇلكەن سىناق، ول جان-جاقتى شەشىمدى جانە جاقسى دايىندالعان كوپسالالى توپتىڭ ۇيلەسىمدى جۇمىسىن تالاپ ەتەدى. ورتالىق جوعارى ساپالى دياگنوستيكانى، زاماناۋي ەمدەۋ باعدارلامالارىن جانە پسيحيكالىق-الەۋمەتتىك قولداۋمەن قاتار، پاسيەنتتەردىڭ وسى ساناتىنا مامانداندىرىلعان كومەك كورسەتەدى. نەگىزگى باعىتتاردىڭ ءبىرى -كلينيكالىق تاماقتانۋ (ونىڭ ىشىندە ەنتەرالدى جانە پارەنتەرالدى تاماقتانۋ) ماسەلەلەرى بويىنشا كونسۋلتاسيالىق كومەكتى قامتيتىن نۋتريتيۆتىك تۇزەتۋ.
«ورتالىقتىڭ نەگىزگى مىندەتتەرى - ءىقا جانە ءقىس پاسيەنتتەرىنىڭ ءومىر ءسۇرۋ ساپاسىن ارتتىرۋ، سونداي-اق بولجامدى جاقسارتۋ جانە ىقتيمال اسقىنۋلاردىڭ الدىن الۋ. ءبىزدىڭ ورتالىقتىڭ بىرەگەيلىگى - دياگنوستيكا ءۇشىن زاماناۋي تەحنولوگيالاردىڭ جانە تەراپيانىڭ ۇلكەن ارسەنالىنىڭ بولۋىندا عانا ەمەس، سونىمەن قاتار پاسيەنتتەرگە وڭالتۋ جانە ەمدەۋ ءۇشىن قىزمەتتەردىڭ تولىق سپەكترىن الۋعا مۇمكىندىك بەرەتىن كوپسالالى توپتىڭ بولۋىندا. ءبىز ءاربىر پاسيەنتكە ساپالى كومەك، سونداي - اق تولىققاندى ومىرگە ورالۋ ءۇشىن قاجەتتى قولداۋ بەرۋگە دايىنبىز»، - دەپ ويىمەن ءبولىستى كارديولوگيا جانە ىشكى اۋرۋلار عزي باسقارما ءتوراعاسىنىڭ عىلىمي-كلينيكالىق جانە يننوۆاسيالىق قىزمەت جونىندەگى ورىنباسارى جاميليا كايبۋللايەۆا.
ءىقا، ءقىس جانە نۋتريتيۆتىك تۇزەتۋ ورتالىعىنىڭ باسشىسى، گاستروەنتەرولوگ، كولوپروكتولوگ يسا مۇساتايەۆ اتاپ وتكەندەي: «ورتالىقتىڭ اشىلۋى - بۇل كوپجىلدىق جۇمىستىڭ جانە ىشەكتىڭ قابىنۋ اۋرۋلارى مەن قىسقا ىشەك سيندرومى بار ناۋقاستاردىڭ قاجەتتىلىكتەرىن تەرەڭ ءتۇسىنۋدىڭ ناتيجەسى».
ءىقا، ءقىس جانە نۋتريتيۆتىك تۇزەتۋ بويىنشا مامانداندىرىلعان ورتالىق بىلىكتى كومەككە مۇقتاجدار ءۇشىن اشىق.