تايلاندتا تانىمال مەيرامحانانىڭ قىزمەتكەرلەرى قاتەلەسىپ 200 000 باتتان استام اقشا (شامامەن ءۇش ميلليون تەڭگە) تولەم جاساعان كليەنتتى ىزدەپ جاتىر. بۇل جاعداي Neua Luan Luan مەيرامحاناسىندا بولعان، دەپ حابارلايدى aqshamnews.kz thethaiger.com-عا سىلتەمە جاساپ.
مەيرامحانا Facebook-تە جاريالاعان جازباسىندا بىلاي حابارلاندىرۋدى جاريالادى:
«ءبىز 3 قاراشا كۇنى كەشكى 7:50-دە Neua Luan Luan، Ratchaphruek فيليالىندا تاماقتانعان كليەنتتى ىزدەپ جاتىرمىز. كليەنت قاتەلەسىپ، شوتتىڭ ناقتى سوماسى 2،020.91 باتتىڭ ورنىنا 200،091 بات تولەدى. ەگەر بۇل حابارلامانى كورىپ جاتساڭىز، بىزگە [email] نەمەسە 095-527-8298 تەلەفون ءنومىرى ارقىلى حابارلاسىڭىز. راحمەت!»
بۇل حابارلاما كوپشىلىكتىڭ نازارىن اۋدارىپ، كوپتەگەن ادامدار ونى ءبولىسىپ، كليەنتتى تابۋعا كومەكتەستى. كەيبىر قولدانۋشىلار بۇل قاتەلىكتى ادامنىڭ بايلىعىنىڭ اسەرىنەن بايقاماي قالۋى مۇمكىن دەپ ازىلدەستى.
شوتتىڭ ناقتى سوماسى 2020،91 بات بولسا، كليەنت قاتەلەسىپ 200،091 بات اۋدارعان. ءقازىر مەيرامحانا قىزمەتكەرلەرى بۇل ماسەلەنى شەشۋ ءۇشىن بانكتەن كومەك سۇراۋدا.