راديوەلەكترونيكا جانە بايلانىس اسكەري ينجەنەرلىك ينستيتۋتىندا الماتى وڭىرلىك گارنيزونىنىڭ سىبايلاس جەمقورلىققا قارسى كوميسسياسىنىڭ كەزەكتى وتىرىسى ءوتتى. وتىرىسقا الماتى گارنيزونىنىڭ اسكەري قىزمەتشىلەرى مەن سىبايلاس جەمقورلىققا قارسى دەپارتامەنتىنىڭ وكىلدەرى قاتىستى، دەپ حابارلايدى aqshamnews.kz.
ءىس-شارانىڭ باستى ماقساتى – اسكەري قىزمەتشىلەر اراسىندا سىبايلاس جەمقورلىققا قارسى مادەنيەتتى قالىپتاستىرۋ جانە وسى باعىتتاعى ءوزارا ىنتىماقتاستىقتى نىعايتۋ بولدى. وتىرىس بارىسىندا سىبايلاس جەمقورلىققا قارسى زاڭنامانىڭ نەگىزگى ەرەجەلەرى تالقىلانىپ، جەمقورلىققا قارسى ءىس-قيمىل شارالارى مەن ادىستەرى جونىندە جان-جاقتى اقپارات بەرىلدى. سونىمەن قاتار، قاتىسۋشىلار سىبايلاس جەمقورلىققا قارسى ساياساتتى جەتىلدىرۋ باعىتىنداعى ۇسىنىستارىن ورتاعا سالىپ، پىكىر الماستى.
اسكەري پوليسيا باسقارماسىنىڭ وفيسەرى مايور راۋان ساۋرىقتىڭ ايتۋىنشا سىبايلاس جەمقورلىققا قارسى كوميسسيانىڭ جۇمىسى سىبايلاس جەمقورلىقتى بولدىرماۋ جانە ادالدىقتى ناسيحاتتاۋ ىسىندە ماڭىزدى قادامداردى قامتيدى. وسى ماقساتتا كوميسسيا ءوز جۇمىسىن ودان ءارى دامىتىپ، اسكەري ورتادا ادالدىق قاعيداتتارىن بەكىتۋگە باعىتتالعان ءىس-شارالاردى جالعاستىرۋدى كوزدەيدى.
