الماتى قالاسىندا سۋدا دەمالۋعا رۇقسات ەتىلگەن جانە تىيىم سالىنعان ورىندار

44 سۋ ايدىنىنىڭ 9-ى ءقاۋىپتى.

وسى ءقاۋىپتى سۋ ايدىندارىنىڭ ۋچاسكەلەرىندە «شومىلۋعا تىيىم سالىنادى!» 33 بەلگى جانە سوڭعى 5 جىلدا سۋعا باتقاندار تۋرالى ستاتيستيكالىق دەرەكتەرى كورسەتىلگەن 7 اقپاراتتىق ستەند ورناتىلعان، دەپ حابارلايدى Almaty-akshamy.kz الماتى قالاسىنىڭ توتەنشە جاعدايلار دەپارتامەنتىنە سىلتەمە جاساپ.

الماتى قالاسىندا جانە تاۋ بوكتەرىندەگى اۋدانداردا بارلىعى 44 سۋ ايدىنى (وزەندەر، كولدەر، كانالدار، توعاندار) بار، ولاردىڭ 9-ى شومىلۋ ماۋسىمى كەزىندە حالىققا ءقاۋىپ توندىرەدى، اتاپ ايتقاندا:

1. ۇلكەن الماتى وزەنى، شاڭىراق ش/ا، الاتاۋ اۋدانى؛

2. ۇلكەن الماتى وزەنى، دارحان ش/ا، الاتاۋ اۋدانى؛

3. ۇلكەن الماتى وزەنى، (ءال-فارابي-ناۋاي) بوستاندىق اۋدانى؛

4. پەرۆومايسكيي توعاندارى،كەمەل ش/ا، جەتىسى اۋدانى؛

5. كىشى الماتى وزەنى (بۋتاكوۆكاعا بۇرىلىس) مەدەۋ اۋدانى؛

6. يۋناتسكوە كولى، مەدەۋ اۋدانى؛

7. اقساي وزەنى، ناۋرىزباي اۋدانى؛

8. اەروپورتسكوە وزەنى، تۇركسىب اۋدانى؛

9. قاراسۋ وزەن ساعاسى (شەستۋحا)، تۇركسىب اۋدانى.

سونىمەن قاتار، الماتى قالاسى اكىمدىگىنىڭ 2019 جىلعى 9 شىلدەدەگى № 3/447 «الماتى قالاسىنىڭ سۋ وبەكتىلەرى مەن سۋ شارۋاشىلىعى قۇرىلىستارىندا جاپپاي دەمالۋعا، تۋريزمگە جانە سپورتقا ارنالعان ورىنداردى بەلگىلەۋ تۋرالى» قاۋلىسىمەن سۋدا جاپپاي دەمالۋعا ارنالعان 4 ورىن انىقتالدى، بۇل «سايران» كولىنىڭ باتىس جانە شىعىس بولىكتەرى، سونداي-اق «گۇلدەر» دەمالىس ايماعى جانە «باۋما» توعايى د. قونايەۆ اتىنداعى ۇلكەن الماتى كانالىنىڭ بويىنداعى جاعاجاي ايماعى.

قازىرگى ۋاقىتتا سايران كولىندە ىرگەلەس اۋماقتى اباتتاندىرۋ جۇمىستارى جۇرگىزىلۋدە، ونىڭ اياقتالۋى 2024 جىلدىڭ جەلتوقسانىندا جوسپارلانعان.

د.قونايەۆ اتىنداعى ۇلكەن الماتى كانالىن گيدروتەحنيكالىق قۇرىلىستارمەن كۇردەلى جوندەۋگە بايلانىستى اعىمداعى جىلى ۇلكەن الماتى كانالىن سۋمەن تولتىرۋ جوسپارلانبايدى.