پوليسيا قايعىلى وقيعاعا قاتىستى تۇسىنىكتەمە بەردى.
الماتىدا ورتالىق مادەنيەت جانە دەمالىس ساياباعىندا جاس كەلىنشەك اتتراكسيوننان سەكىرىپ كەتىپ، كوز جۇمدى، دەپ حابارلايدى Almaty-akshamy.kz
دەنساۋلىق ساقتاۋ باسقارماسى قايعىلى وقيعانى راستاپ، جەدەل جاردەم كەلگەنگە دەيىن جاس كەلىنشەكتىڭ جان تاپسىرعانىن اتاپ ءوتتى.
پوليسيا دا قايعىلى وقيعاعا قاتىستى تۇسىنىكتەمە بەردى.
"وز-وزىنە قول جۇمساۋ فاكتىسى بويىنشا قىلمىستىق ءىس قوزعالدى. وعان نە تۇرتكى، سونداي-اق باسقا دا ءمان-جايلار انىقتالىپ جاتىر"، دەلىنگەن الماتى قالالىق پد باسپا ءسوز قىزمەتى تاراتقان اقپاراتتا.
الەۋمەتتىك جەلىدە كەلىنشەكتىڭ الماتى وبلىسى، ىلە اۋدانىنداعى ۇيىندە ءوز بالاسىن تۇنشىقتىرىپ ولتىرگەنى تۋرالى اقپارات تاراپ جاتىر.