قازاقستان ۇلتتىق قۇراماسى وزبەكستانمەن جولداستىق ويىن وتكىزىپ، 0:2 ەسەبىمەن جەڭىلدى، دەپ حابارلايدى Almaty-akshamy.kz inbusiness.kz-كە سىلتەمە جاساپ.
تاشكەنت قالاسىندا وتكەن جولداستىق ويىن الاڭ يەلەرىنىڭ جەڭىسىمەن اياقتالدى. كەزدەسۋدە ەسەپ اشقان حودجيمات ەركىنوۆ ەدى. ول ويىننىڭ 12-مينۋتىندا يگور شاسكيي قورعاعان قاقپانى تۋرا كوزدەدى. ارتىنشا قازاقستان قۇراماسىنىڭ كاپيتانى اسحات تاعىبەرگەننىڭ سوققىسى قاقپا باعانىنان قايتتى. ۇزىلىسكە ساناۋلى مينۋتتار قالعاندا وزبەكستان قۇراماسىنىڭ شابۋىلشىسى ەلدور شومۋرودوۆ ەسەپتى ەسەلەدى.
ەكىنشى تايمدى قازاقستان قۇراماسى بەلسەندى باستاعانىمەن ەسەپتى وزگەرتە المادى. باس باپكەر ماگومەد ادييەۆ الاڭعا بىرنەشە ويىنشىنى شىعاردى. ونىڭ ىشىندە ۇلتتىق قۇراماعا ۇزاق ۇزىلىستەن كەيىن قايتا ورالعان باۋىرجان يسلامحان بولدى.
ءبىزدىڭ قۇراما كەلەسى جولداستىق ويىنىن 19 قاراشا كۇنى ابۋ-دابي قالاسىندا بىرىككەن اراب امىرلىگى قۇراماسىمەن وتكىزەدى.