400-دەن استام تۇلعادان 22 مىڭ تەڭگەگە دەيىن مەملەكەتتىك باج نەگىزسىز الىنعان.
الماتى حقكو-لارىندا مۇگەدەكتەردەن، جەتىمدەردەن جانە كوپ بالالى انالاردان زاڭسىز اقشا الىندى، دەپ حابارلايدى Tengrinews.kz ءتىلشىسى.
قاداعالاۋ ورگانىنىڭ قىزمەتكەرلەرى حالىقتىڭ الەۋمەتتىك وسال توپتارىنان قۇجاتتاندىرۋ قىزمەتتەرى ءۇشىن مەملەكەتتىك باج الۋ زاڭىنا تالداۋ جۇرگىزدى.
ق ر «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسىنىڭ 622-بابىنا سايكەس، قازاقستان رەسپۋبليكاسى ازاماتتارىنىڭ ءتولقۇجاتتارى مەن جەكە كۋالىكتەرى، سونداي-اق شەتەل ازاماتىنىڭ قازاقستان رەسپۋبليكاسىندا تۇرۋىنا ىقتيارحات جانە ازاماتتىعى جوق ادامنىڭ كۋالiكتەرi بەرىلگەن كەزىندە ادامداردىڭ بەلگىلى ءبىر ساناتى مەملەكەتتىك باج تولەۋدەن بوساتىلادى. ولاردىڭ قاتارىنا:
ۇوس ارداگەرلەرى، ولارعا تەڭەستىرىلگەن ادامدار؛
مۇگەدەكتەر؛
قارتتار مەن مۇگەدەكتەرگە ارنالعان جالپى ۇلگىدەگى مەديسينالىق-الەۋمەتتىك مەكەمەلەردە تۇراتىن قارتتار؛
بالالار ۇيلەرىندە جانە (نەمەسە) ينتەرناتتاردا تۇراتىن جەتىم بالالار مەن اتا-اناسىنىڭ قامقورلىعىنسىز قالعان بالالار؛
جەتىم بالالار مەن اتا-اناسىنىڭ قامقورلىعىنسىز قالعان بالالار؛
«باتىر انا» اتاعىنا يە بولعان، «التىن القا» جانە «كۇمىس القا» القالارىمەن ناگرادتالعان كوپ بالالى انالار جاتادى»، - دەپ ءتۇسىندىردى ۆەدومستۆو وكىلدەرى.
قاداعالاۋ ورگانى حقكو-دا الەۋمەتتىك وسال ساناتتاعى 400-دەن استام تۇلعادان 22 مىڭ تەڭگەگە دەيىن مەملەكەتتىك باج نەگىزسىز الىنعانىن انىقتادى.
«المالى اۋدانىنىڭ پروكۋراتۋراسى «ازاماتتارعا ارنالعان ۇكىمەت» كەاق اتىنا زاڭدىلىقتى بۇزۋشىلىقتى جويۋ تۋرالى ۇسىنۋ ەنگىزدى. ونى قاراۋ قورىتىندىسى بويىنشا اقشانى قايتارۋ بويىنشا شارالار قابىلدانۋدا، كەاق باسشىلىعى تارتىپتىك جاۋاپكەرشىلىككە تارتىلدى»، - دەدى الماتى پروكۋراتۋراسى.