الماتىدا 2023 جىلدىڭ 1 ساۋىرىنەن باستاپ بالالاردى ءبىرىنشى سىنىپقا تىركەۋ باستالىپ، 1 تامىزعا دەيىن جالعاسادى، دەپ حابارلايدى almaty-akshamy.kz
مەملەكەتتىك ورتا ءبىلىم بەرۋ ۇيىمدارىندا قابىلداۋ ەلەكتروندىق ۇكىمەت پورتالى ارقىلى ونلاين جۇزەگە اسىرىلادى. بۇل رەتتە ءوتىنىش بەرۋشىنىڭ مەكتەپتە بولۋى تالاپ ەتىلمەيدى. اتا-انالارعا ىڭعايلى بولۋ ءۇشىن قۇجاتتاردى ءداستۇرلى قاعاز فورماتىندا دا بەرۋگە بولادى. ەgov.kz "ەلەكتروندىق ۇكىمەت" پورتالى وتىنىمدەردى قابىلداۋ جانە بالالاردى 1-سىنىپقا قابىلداۋ بويىنشا 1 ساۋىردەن باستاپ قولجەتىمدى بولادى.
ايتا كەتەرلىگى، مەملەكەتتىك قىزمەت كورسەتۋ تيپتىك ەرەجەلەرگە سايكەس جۇزەگە اسىرىلادى. وسىلايشا، قىزمەت كورسەتۋ ەرەجەلەرىنە سايكەس وتىنىشتەردى قابىلداۋ دەمالىس جانە مەرەكە كۇندەرىن قوسپاعاندا، دۇيسەنبىدەن جۇماعا دەيىن جۇزەگە اسىرىلادى. بيىل 1-2 ءساۋىر دەمالىس كۇندەرىنە كەلگەندىكتەن بارلىق وتىنىشتەر 3 ساۋىردەن باستاپ قابىلدانادى.
ءبىلىم بەرۋ ۇيىمدارى التى جاستاعى بالالاردى جانە اعىمداعى كۇنتىزبەلىك جىلى التى جاسقا تولاتىن بالالاردى ءبىرىنشى سىنىپقا قابىلداۋدى باستايدى. قابىلداۋ، دايارلىق دەڭگەيىنە قاراماستان، مەكتەپكە (شاعىن ۋچاسكەگە) قىزمەت كورسەتۋ اۋماعىندا تۇراتىن بارلىق بالالارعا قولجەتىمدى بولادى.
سونداي-اق، بالالاردى وزدەرىنىڭ شاعىن ۋچاسكەلەرى بويىنشا مەكتەپكە عانا ەمەس، بوس ورىندار بولسا، كەز-كەلگەن باسقا مەملەكەتتىك مەكتەپكە دە تىركەۋگە بولادى.
ەسكە سالساق، كورسەتىلەتىن قىزمەتتى الۋشىنىڭ مەكتەپكە قابىلداۋ جونىندەگى قىزمەتتى الۋعا ءوتىنىم بەرۋى ءۇشىن تۇرعىلىقتى جەرىن راستايتىن تىركەۋ (ۋاقىتشا نەمەسە تۇراقتى) قاجەت (تەك زاڭدى وكىلدەر ءۇشىن، 14 جاسقا دەيىنگى بالالارعا تىركەۋ تالاپ ەتىلمەيدى).
ءبىرىنشى سىنىپقا ءوتىنىش بەرۋ بويىنشا قادامدىق نۇسقاۋلىق:
- ءوتىنىم بەرەر الدىندا ءوتىنىش بەرۋشى تۇراتىن شاعىن ۋچاسكەنى انىقتاۋى ءتيىس. ءوتىنىش بەرۋشىنىڭ قاي شاعىن ۋچاسكەگە جاتاتىنىن الماتى قالاسى ءبىلىم باسقارماسىنىڭ bilimalmaty.kz مەملەكەتتىك قىزمەتتەر پورتالىندا انىقتاۋعا بولادى. باستى بەتتە، «شاعىن ۋچاسكەلەر كارتاسى» بولىمىندە، تىركەلۋ نەمەسە تۇرعىلىقتى مەكەنجايىن كورسەتىپ، «ىزدەۋ» بولىمىنە ءوتۋ كەرەك جانە قاجەتتى ءبىلىم بەرۋ ۇيىمىن انىقتاۋ قاجەت.
- ەgov.kz پورتالىنا ەسق (ەلەكتروندىق سيفرلىق قولتاڭبا) ارقىلى نەمەسە ءسمس-پارولدىڭ كومەگىمەن كىرۋگە بولادى. باستى بەتتە «ءبىلىم»، ودان ءارى «ورتا ءبىلىم» ءبولىمىن تاڭداپ، «ءبىلىم بەرۋ ۇيىمدارىنا (باستاۋىش، نەگىزگى ورتا، جالپى ورتا، ارنايى) قۇجاتتاردى قابىلداۋ جانە ءبىلىم بەرۋ ۇيىمىنا قابىلداۋ» بولىمىنە ءوتۋ كەرەك. «قىزمەتكە ونلاين تاپسىرىس بەرۋ» باتىرماسىن باسۋ. «قۇجاتتاردى قابىلداۋ جانە ءبىلىم بەرۋ ۇيىمىنا قابىلداۋ» ءوتىنىمىنىڭ ءتۇرىن تاڭداپ، تەلەفون ءنومىرىن، ەلەكتروندىق پوشتانى كورسەتۋ قاجەت. ءارى قاراي، كىمنەن ءوتىنىش بەرىلەتىنىن تاڭداۋ كەرەك. «بالانى تاڭداۋ» باتىرماسىن باسىپ، پايدا بولعان تىزىمنەن مەكتەپكە تۇسەتىن بالانى تاڭداۋ قاجەت.
- ءارى قاراي، وقۋ فورماسىن، سىنىپتى، ايماقتى، اۋداندى، ءبىلىم بەرۋدى ۇيىمداستىرۋدى، وقىتۋ ءتىلىن تاڭداۋ كەرەك. ءوتىنىمدى تولتىرىپ، بالانىڭ 3ح4 سم مولشەرىندەگى سيفرلىق فوتوسۋرەتىن، № 063/ۋ جانە № 026/ۋ-3 نىسانداعى دەنساۋلىق جاعدايى تۋرالى قۇجاتتاردىڭ ەلەكتروندىق كوشىرمەلەرىن جۇكتەگەن ءجون. جۇكتەلەتىن قۇجاتتاردىڭ جالپى كولەمى 1 مبايتتان اسپاۋعا ءتيىس.ەسق وتىنىمىنە نەمەسە ءسمس-پارولدىڭ كومەگىمەن قول قويۋ (ءموبيلدى ازاماتتار بازاسىندا تىركەلۋ مىندەتتى).
سونداي-اق، اتا-انالار ءۇشىن «قۇجاتتاردى قابىلداۋ جانە ءبىلىم بەرۋ ۇيىمدارىنا قابىلداۋ (باستاۋىش، نەگىزگى ورتا، جالپى ورتا، ارنايى)» قىزمەتىن قالاي الۋعا بولاتىندىعى تۋرالى بەينەروليكتى https://youtu.be/a3mfnGjELcc سىلتەمەسى بويىنشا كورۋگە بولادى.
مەملەكەتتىك قىزمەت كورسەتۋ مەرزىمى -1 جۇمىس كۇنى. جەكە كابينەتتە («قىزمەتتەردى الۋ تاريحى» بولىمىندە) كورسەتىلگەن ۋاقىت ىشىندە كەلىپ تۇسەتىن ءوز ءوتىنىمىڭىزدى وڭدەلۋى تۋرالى حابارلامامەن تانىسۋ قاجەت.
قاعاز تۇرىندە ءوتىنىش بەرگەن كەزدە مەكتەپكە كەلەسى قۇجاتتاردى ۇسىنۋ قاجەت:
1) بالانىڭ اتا-اناسىنىڭ نەمەسە وزگە دە زاڭدى وكىلدەرىنىڭ ءوتىنىشى؛
2)جەكە باسىن كۋالاندىراتىن قۇجات (سايكەستەندىرۋ ءۇشىن ءتۇپنۇسقاسى تالاپ ەتىلەدى، ول كورسەتىلەتىن قىزمەتتى الۋشىعا قايتارىلادى)؛
3)مەديسينالىق انىقتامالار (№065/ۋ جانە 026/ۋ-3 نىساندارى)؛
4) بالانىڭ ولشەمى 3ح4 سم كولەمىندەگى ەكى دانا فوتوسۋرەتى.
1-سىنىپقا بالالاردى قابىلداۋ ماسەلەلەرى بويىنشا جەدەل جەلى تەلەفوندارى ارقىلى حابارلاسۋلارىڭىزدى سۇرايمىز:
- الاتاۋ اۋدانى – 8-708-970-50-42
- المالى اۋدانى ر – 8-707-133-06-79، 8-708-862-08-78
- اۋەزوۆ اۋدانى– 8-702-100-07-77، 8-747-412-93-83
- بوستاندىق اۋدانى – 8-777-280-66-50، 8-747-105-06-11
- جەتىسۋ اۋدانى – 8-702-673-83-33، 8701-660-65-54
- مەدەۋ اۋدانى – 8-701-783-94-83، 8-775-919-40-00
- ناۋرىزباي اۋدانى – 87782273301، 87021966805
- تۇركسىب اۋدانى – 8-777-827-05-80، 8-701-615-49-78
قالادا جاڭا وقۋ جىلىنا 30 مىڭعا جۋىق بالا ءبىرىنشى سىنىپقا بارادى دەپ كۇتىلۋدە.