بۇل سپورتتىق شاراعا بارلىعى 7660 ادام تىركەلگەن.
الماتى قالاسىندا جارتىلاي مارافونى ءوتىپ جاتىر، دەپ حابارلايدى اlmaty-akshamy.kz.
العاشقى كۇن شۋاقتارىمەن الماتىدا قالالىق جارتىلاي مارافون باستالدى. مارافونشىلاردىڭ جارىسقا قاتىسۋشى ءۇشىن تۇڭعىش پرەزيدەنت ساياباعىنا جينالدى. تورەشىلەردىڭ ەسكەرتۋلەرىن تىڭداپ، جىلدام جاتتىعۋ جاساعاننان كەيىن جارتىلاي مارافونعا قاتىسۋشىلار جۇگىرۋدى باستاپ كەتتى. ءبىرىنشى مارافونشىلار لەگىندە 10 كم قاشىقتىق جانە سكانديناۆيالىق ءجۇرۋ بويىنشا 4 مىڭنان استام جولعا شىقتى. ولار ستارت سىزىعىن تاڭعى 7:30-دا كەسىپ ءوتتى. ودان كەيىن ساعات 08:10-دا جارتىلاي مارافوننىڭ باستى ديستانسياسى – 21 كم قاشىقتىققا جۇگىرۋ باستالدى.
بۇل سپورتتىق شاراعا بارلىعى 7660 ادام تىركەلگەن. ولاردىڭ قاتارىندا كاسىپقوي سپورتشىلار مەن قاراپايىم قالا تۇرعىندارى دا بار. سونداي-اق ارنايى وسى مارافون ءۇشىن الەمنىڭ 29 ەلىنەن جانە قازاقستاننىڭ 17 وڭىرىنەن تۋريستەر مەن وتانداستىرىمىز كەلگەن.
ايتا كەتكەن ءجون، جارتىلاي مارافونعا قاتىسۋشىلاردى جول بويى ۆەلوسيپەدپەن جۇرگەن كاسىبي تورەشىلەر باقىلايتىن بولادى. ولار ادامداردىڭ جولدان شىعىپ كەتپەۋىن، جارىس ەرەجەلەرىنىڭ بۇزىلماۋىن قاداعالايدى. سونداي-اق بارلىق ادامدارمەن بىرگە جارىس جولىنا ارنايى Pacemaker-لەر دە شىققان. تۋىن ۇستاعان سپورتشىلار وزگە ادامدارعا ۇلگى بولىپ، جالپى جۇگىرىس ءريتمىن قۇراپ وتىرادى. سونىمەن قاتار جارىس ديستانسياسىنىڭ بويىندا مارافونشىلاردى قولداپ، ولارعا اس پەن سۋ ۇسىناتىن ۆولونتەرلەر بار.
جارتىلاي مارافون مارەسى الماتىنىڭ ورتالىق ستاديوندا ورنالاسقان. مارەگە العاشقى بولىپ جەتكەن جۇگىرۋشىلەر ساعات 12:00-دە ماراپاتتالادى. سونداي-اق قالانىڭ باس ستاديونىندا چەرليدەرلەر كوماندالارى مەن مۋزىكالىق توپتاردىڭ قاتىسۋىمەن ۇلكەن ويىن-ساۋىق باعدارلاماسى ۇيىمداستىرىلعان.
ەسكەرتە كەتەيىك، ءىس-شارانىڭ وتكىزىلۋىنە بايلانىستى 23 ساۋىردە ساعات 00:00-دەن 12:00-گە دەيىن قاشىقتىقتان ءوتۋ ورىندارىنداعى جولداردا قوزعالىس ءىشىنارا جابىلدى.