قالانىڭ باسقا اۋداندارىندا سۋدى ءوشىرۋ جوسپارلانباعان.
تۇركسىب اۋدانىندا ءىرى سۋ قۇبىرىنداعى اپاتتى جويۋ جۇمىستارى جالعاسۋدا، دەپ حابارلايدى اlmaty-akshamy.kz.
اۆتوكولىكتەر جۇرەتىن رىسقۇلوۆ داڭعىلىنىڭ ءجۇرۋ بولىگىنىڭ گەرسەن كوشەسىمەن قيىلىسۋ اۋماعىنداعى ەكى جولاعى قوزعالىستىڭ باتىس جاعىنا قاراي ۋاقىتشا جابىلدى.
وسىعان بايلانىستى، تومەندە كورسەتىلگەن كوشەلەر كونتۋرىندا ورنالاسقان اكىمشىلىك عيماراتتار مەن ءۇي قۇرىلىستارىنا سۋ بەرۋ ۋاقىتشا توقتاتىلادى:
- ءسۇيىنباي-باياناۋىل-
شەمياكين-حمەلنيسكيي؛
- رىسقۇلوۆ-پاركوۆايا-قۇلىنشاق-بايشيەۆ؛
- ايشا ءبيبى، اتىراۋ، شۋاقتى شاعىن اۋداندارى.
اتالعان مەكەنجايلار مەن شاعىناۋداندارعا اۆتوسيستەرنالارمەن سۋ تاسىمالداۋ جۇزەگە اسىرىلادى.
قالانىڭ باسقا اۋداندارىندا سۋدى ءوشىرۋ جوسپارلانباعان.
"الماتى سۋ" مكك اپاتتىق بريگادالارى گەرسەن كوشەسى بويىمەن تارتىلعان د=500 مم ماگيسترالدىق سۋ قۇبىرىندا قالپىنا كەلتىرۋ جۇمىستارىن ورىنداۋدا. اپاتتىق جاعدايدى جويۋ جۇمىستارىنا 16 تەحنيكا جۇمىلدىرىلدى.
گەرسەن كوشەسى بويىمەن وتەتىن ماگيسترالدىق سۋ قۇبىرى 1962 جىلى پايدالانۋعا بەرىلگەن.
الماتى قالاسىنىڭ قولدانىستاعى ينجەنەرلىك ينفراقۇرىلىمىنىڭ جەلىلەرى عانا ەمەس،سونىمەن قاتار وبەكتىلەر جابدىقتارىنىڭ دا ايتارلىقتاي توزىعى جەتكەن. سۋمەن جابدىقتاۋ جەلىلەرىنىڭ ۇزىندىعى 3528 كم قۇرايدى، ونىڭ ىشىندە 1941،2 كم جەلى اۋىستىرۋدى قاجەت ەتەدى (جالپى ۇزىندىعىنىڭ 55،8 پايىزى)
كەلتىرىلگەن قولايسىزدىقتار ءۇشىن كەشىرىم سۇرايمىز!
“الماتى سۋ” مكك ديسپەچەرلىك قىزمەتىنىڭ تەلەفوندارى: 274-66-66، +7 771 852 91 01
