وسى كەزگە دەيىن 558 104 قالا تۇرعىنى ۆاكسينا سالدىرعان.
بۇل تۋرالى اقپارات تاراتقان قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە، ەكپە سالدىرعانداردىڭ ىشىندە 88 824 ادامنىڭ جاسى 60-تان اسقان، دەپ حابارلايدى Almaty-akshamy.kz
«8 شىلدە كۇنى 9 839 الماتىلىق ۆاكسينا سالدىردى. بيىلعى جىلدىڭ 1 اقپانى مەن 8 شىلدە ارالىعىندا قالادا بارلىعى 558 104 ادام ۆاكسينا سالدىردى. ۆاكسينا العانداردىڭ اراسىندا 60 جاستان اسقان قارت كىسىلەر - 88 824»،- دەپ حابارلادى باسقارمادان.
قالادا 212 ەگۋ پۋنكتى جۇمىس ىستەپ تۇر. 1 260 ادامنان تۇراتىن 308 ەگۋ بريگاداسى بار. سونىمەن قاتار، 40 كوشپەلى ءموبيلدى بريگادا ۇيىمداستىرىلدى.
«قازىرگى مەديسينالىق ۇيىمداردا، مەكتەپتەردە، مادەنيەت، سپورت وبەكتىلەرىندە، بازارلار مەن قالانىڭ سوسو-دا ۆاكسيناسيا پۋنكتى جۇمىس ىستەيدى»، - دەپ ناقتىلادى دەنساۋلىق ساقتاۋ باسقارماسىنىڭ باسپا ءسوز قىزمەتى.