جەر سىلكىنىسىنىڭ ەپيسەنترى الماتى وبلىسى كەگەن اۋدانىنىڭ اۋماعىندا.
ق ر تجم «سومە» سەيسميكالىق ستانسيالار جەلىسى 2022 جىلعى 15 قىركۇيەك كۇنى الماتى ۋاقىتىمەن ساعات 10:25-تە جەر سىلكىنىسىن تىركەدى، دەپ حابارلايدى Almaty-akshamy.kz الماتى وبلىسى تجد باسپا ءسوز قىزمەتىنە سىلتەمە جاساپ.
جەر سىلكىنىسىنىڭ ەپيسەنترى الماتى قالاسىنان شىعىسقا قاراي 145 كم جەردە الماتى وبلىسى كەگەن اۋدانىنىڭ اۋماعىندا (جالاڭاش اۋىلىنان 40 كم قاشىقتىقتا) ورنالاسقان.
جەر سىلكىنىسىنىڭ ەنەرگەتيكالىق كلاسى 7.2.
MPV ماگنيتۋداسى 3.4.
ەپيسەنتردىڭ كوورديناتتارى 43.24° س.ە. 78.63° ش.ب.
تەرەڭدىگى 10 كم.
سەزىلەتىندىگى تۋرالى مالىمەتتەر (مЅك-64 شكالاسى بويىنشا): جوق
الماتى وبلىسى تج دەپارتامەنتى اقپاراتتى العاننان كەيىن جەرگىلىكتى اتقارۋشى ورگانداردى، پوليسيا دەپارتامەنتىن، قازسەلدەنقورعاۋ، پروكۋراتۋرا جانە باسقا دا ۇيىمداردى حاباردار ەتتى، سەنىپ تاپسىرىلعان اۋماقتارداعى جاعداي ناقتىلانۋدا، قيراۋلار مەن قۇرباندار تۋرالى حابارلامالار تۇسكەن جوق.
الماتى وبلىسىنىڭ تجد جەر سىلكىنىسى كەزىندەگى ارەكەتتەردىڭ ءتارتىبى تۋرالى ەسكەرتەدى:
- عيماراتتان شىعىڭىز (ءسىزدىڭ يەلىگىڭىزدە 15-20 سەكۋند)؛
- جوعارعى قاباتتاردا قالعان جاعدايدا بالانى قۇشاقتاپ الىپ، ەسىك ويىعىنىڭ ورنىنا نەمەسە ىرگەلى قابىرعالاردان قۇرالعان بۇرىشتا ورىن الىپ تۇرىڭىز؛
- ەشقانداي جاعدايدا تەرەزە جانىندا تۇرماڭىز جانە بالكونداردان سەكىرمەڭىز.
- عيماراتتاردان، قۇرىلىستاردان، باعانالار مەن قورشاۋلاردان الىستاپ تۇرىڭىز؛
- ۇيگە كىرمەڭىز: دۇمپۋلەر قايتالانۋى مۇمكىن؛
- جەدەلساتىنى پايدالانباڭىز؛
- سىرىڭكە، شام جاعۋعا بولمايدى؛
- سىمدارعا قول تيگىزبەڭىز؛
- زارداپ شەككەندەرگە العاشقى كومەك كورسەتىڭىز.