ماماندار ولارعا تەرىس ءدىننىڭ زيانىن ءتۇسىندىردى.
الماتى قالاسى “ءبىلىم جانە جاڭا يننوۆاسيا تەحنولوگياسى” ورتالىعى جۋىردا الماتى قالاسى قاج دەپارتامەنتى №11 مەكەمەسىندەگى سوتتالعان بالالار اراسىندا ارنايى ءدارىس وتكىزدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ءدارىس كەزىندە الماتى قالاسى ءدىني باسقارماسى جانىنداعى كەڭەس بەرۋ جانە وڭالتۋ ورتالىعىنىڭ تەولوگى، ءدىن تانۋ ماگيسترى ايبار قويشىبايەۆ ءدىني ساۋاتتىلىقتى ارتىرۋ ماقساتىندا بالالارعا ءدىني تەرىس اعىمنىڭ زيانى مەن ودان ساقتانۋدىڭ جولدارى تۋرالى اڭگىمەلەدى. ءىس-شاراعا الماتى قالالىق پروكۋراتۋراسى مەن ۇلتتىق قاۋىپسىزدىك ورگاندارىنىڭ وكىلدەرى قاتىستى.
سونداي-اق №11 مەكەمەنىڭ تەولوگيالىق وڭالتۋ جۇمىسىن ۇيىمداستىرۋ توبىنىڭ ينسپەكتورى ش.جارلىكاسوۆا مەن مەكەمەنىڭ جەدەل اعا ۋاكىلى ن.جيەنبەكوۆ ءسوز سويلەپ، تەرىس ءدىني اعىمداردىڭ ايرىقشا بەلگىلەرى، ەكسترەميستىك يدەيالاردى تاراتۋ ادىستەرى تۋرالى ايتتى. تەولوگ-ساراپشى ايبار قويشىبايەۆ كونفەسسياارالىق بەيبىتشىلىك پەن كەلىسىمدى قامتاماسىز ەتۋ ءۇشىن قۇقىقتىق سانانى، وتباسى مەن قوعامداعى تولەرانتتى داستۇرلەردى بەكىتۋدىڭ، حالىقتىڭ جالپى مادەنيەتى مەن ءبىلىمىن كوتەرۋدىڭ ماڭىزدىلىعىن اتاپ ءوتتى. سونداي-اق، ول سوتتالعان بالالاردىڭ سۇراقتارىنا جاۋاپ بەردى.