ءسىم رەسمي وكىلى ايبەك سمادياروۆ وسىلاي دەپ مالىمدەدى.
تۇركيانىڭ وڭتۇستىك-شىعىسىنداعى جويقىن جەر سىلكىنىسىنەن قازا تاپقاندار مەن زارداپ شەككەندەر اراسىندا قازاقستان ازاماتتارى جوق، دەپ حابارلايدى Almaty-akshamy.kz
«استانا ۋاقىتىمەن ساعات 15.00-دەگى جاعداي بويىنشا تۇركياداعى ەلشىلىكتىڭ مالىمەتىنە سۇيەنسەك، قازاقستاندىقتاردان كومەك كورسەتۋ تۋرالى ءوتىنىش تۇسكەن جوق. ءقازىر كونسۋل تۇركيانىڭ توتەنشە جاعجايلار باسقارماسىمەن تىكەلەي بايلانىستا. جەر سىلكىنىسىنەن قازا تاپقاندار مەن زارداپ شەككەندەر تىزىمىندە قازاقستاندىقتار جوق»، - دەپ مالىمدەدى سمادياروۆ.
ايتۋىنشا، دۇلەي ءزىلزالا سالدارىنان زارداپ شەككەندەردى قۇتقارۋ جۇمىستارى جالعاسىپ جاتىر.
ەسكە سالساق، دۇيسەنبىگە قاراعان ءتۇنى تۇركيانىڭ وڭتۇستىك-شىعىسى مەن سيريادا جويقىن جەر سىلكىنىسى بولدى. سوڭعى مالىمەتتەرگە سۇيەنسەك، ەكى ەلدە قازا تاپقاندار سانى 500-گە جۋىقتاعان. مىڭداعان ادام جاراقات الدى.