الماتى قالاسى وقۋشىلارىنىڭ 2021-2022 وقۋ جىلىنداعى جەتىستىكتەرى كوڭىل قۋانتادى
1. زياتكەرلىك
2021-2022 وقۋ جىلىندا الماتى قالاسى مەكتەپتەرىنىڭ 30 مىڭنان استام وقۋشىسى 85 قالالىق، 57 رەسپۋبليكالىق، 18 حالىقارالىق زياتكەرلىك وليمپيادالار مەن كونكۋرستارعا قاتىستى، ونىڭ قورىتىندىسى بويىنشا 4 045 وقۋشى جەڭىمپاز جانە جۇلدەگەر اتاندى.
16 ءپان بويىنشا جالپى ءبىلىم بەرەتىن جىل سايىنعى ەڭ باستى رەسپۋبليكالىق وليمپيادانىڭ قورىتىندىسى بويىنشا، الماتى قالاسىنىڭ كومانداسى 1-ورىندى يەلەنىپ، «ۇزدىك وليمپيادالىق كوماندا-2022» اتاندى، جالپى ءبىزدىڭ وقۋشىلار 88 جۇلدەلى ورىنعا: 16 التىن، 27 كۇمىس جانە 45 قولا مەدالعا يە بولدى.
الماتى قالاسىنىڭ قۇراما كومانداسى عىلىمي جارىستاردىڭ قورىتىندىسى بويىنشا دا الدا كەلەدى. بيىل رەسپۋبليكالىق عىلىمي جوبالار بايقاۋىندا وقۋشىلار 51 مەدال جەڭىپ الدى، ونىڭ ىشىندە 7 التىن، 12 كۇمىس جانە 31 قولا، ناتيجەسىندە رەسپۋبليكا بويىنشا جالپى كوماندالىق ەسەپتە 1-ورىن الدى.
2. سپورتتىق
اعىمداعى جىلى الماتى قالاسىندا سپورتتىڭ 10 ءتۇرى بويىنشا ۇلتتىق مەكتەپ ليگاسىنىڭ ىرىكتەۋ كەزەڭدەرى ءوتتى، وندا 5-11 سىنىپتاردىڭ 97 مىڭنان استام وقۋشىسى قاتىستى.
2022 جىلدىڭ مامىر-شىلدە ايلارى ارالىعىندا ۇلتتىق مەكتەپ ليگاسىنىڭ رەسپۋبليكالىق كەزەڭى وتكىزىلەدى. بۇگىندە الماتى مەكتەپتەرىنىڭ وقۋشىلارىنىڭ قورجىنىندا جالپى كوماندالىق ەسەپتە 2 ءبىرىنشى، 1 ءۇشىنشى ورىن بار.
فرانسۋز نورماندياسىندا 2022 جىلدىڭ 14-22 مامىر ارالىعىندا سپورتتىڭ 20 ءتۇرى بويىنشا بۇكىلالەمدىك گيمنازيادا ءوتتى. بۇل - 16-18 جاستاعى مەكتەپ وقۋشىلارى ءۇشىن ۇلكەن مۋلتيسپورتتىق وقيعا. قازاقستان رەسپۋبليكاسىنىڭ قۇراماسى العاش رەت قاتىسىپ، 85 مەدالعا يە بولدى، ونىڭ ىشىندە 32 التىن، 32 كۇمىس جانە 21 قولا. ەل قۇراماسى جالپىكوماندالىق ءۇشىنشى ورىنعا يە بولىپ، كوشباسشىلار ۇشتىگىنە ەندى. قازاقستان رەسپۋبليكاسى قۇراماسىنىڭ ىشىندەگى 25 سپورتشى الماتى قالاسىنىڭ وقۋشىلارى، ولار دۇنيەجۇزىلىك گيمنازيادانىڭ چەمپيوندارى مەن جۇلدەگەرلەرى اتاندى.
3. شىعارماشىلىق
بيىلعى وقۋ جىلىندا حالىقارالىق دەڭگەيدەگى ءتۇرلى شىعارماشىلىق فەستيۆالدار مەن بايقاۋلارعا الماتى قالاسىنان 4 مىڭنان استام وقۋشى قاتىسىپ، ولاردىڭ قورىتىندىسى بويىنشا بارلىعى 137 جۇلدەلى ورىنعا يە بولدى: گران-پري - 33، 1-ورىن - 31، 2-ورىن - 42، 3-ورىن - 31.
13 رەسپۋبليكالىق شىعارماشىلىق بايقاۋ مەن فەستيۆالگە 2 مىڭنان استام بالا قاتىسىپ، 1-ورىندى - 12، 2-ورىندى - 18، 3-ورىندى - 15 وقۋشى يەلەندى.
قالادا 230 مىڭنان استام بالانى قامتيتىن 20 اۋقىمدى شىعارماشىلىق فەستيۆال، فورۋمدار، كونكۋرستار، سلەتتەر مەن كورمەلەر وتكىزىلدى.