ءقازىر قۇزىرلى ورگان قالالىق جەر رەسۋرستارىن باسقارۋ دەپارتامەنتىنە وسى ۋچاسكەنى قولدانىستان شىعارۋ تۋرالى ۇسىنىس جولداعان.
بۇل تۋرالى پروكۋراتۋرا وكىلدەرى حابارلادى. بۇعان دەيىن 2012 جىلعى 30 قاڭتارداعى الماتى قالاسى اكىمدىگىنىڭ قاۋلىسى بويىنشا، ۇلتتىق ۋنيۆەرسيتەت اۋماعى 73 گەكتاردان اسقان. 2017 جىلى 2 قازاندا قالا اكىمدىگى ۋچاسكەنىڭ شەكاراسىن تۇزەتۋ تۋرالى قابىلداعان قاۋلىدان كەيىن، ونىڭ اۋدانى 1،82 گەكتارعا ازايىپ قالعان، دەپ حابارلايدى Almaty-akshamy.kz Qazaqstan.tv سايتىنا سىلتەمە جاساپ.
ۋچاسكەنىڭ كىشىرەيتىلگەن بولىگىنىڭ 0،74 گەكتارى «Omirex» سەرىكتەستىگىنە، كوممۋنالدىق قىزمەتتەرگە – 0،56 جانە مۇستافايەۆ ەسىمدى ازاماتتىڭ يەلىگىنە جارتى گەكتاردان اسا جەر ءوتىپ كەتكەن. بەلگىلى بولعانداي، شاھار بيلىگى جەر كودەكسىنىڭ 48 جانە 82-باپتارىن ورەسكەل بۇزىپ، جەكە كومپانياعا جەر ۋچاسكەسىن ساۋدا-ساتتىقسىز بەرىپ جىبەرگەن.