وزدەرىڭىزگە بەلگىلى، مەملەكەت باسشىسى قاسىم-جومارت كەمەل ۇلى توقايەۆتىڭ «ەگەمەن قازاقستان» گازەتىندە جاريالانعان «تاۋەلسىزدىك بارىنەن قىمبات» ماقالاسىندا «جەلتوقسان قاھارماندارىنىڭ ازاماتتىق ەرلىگىن جوسپارلى تۇردە ناسيحاتتاۋدى» تاپسىرعان بولاتىن.
قازىرگى ۋاقىتتا «جەلتوقسان» ۇيىمدارىمەن بىرلەسە وتىرىپ، قالا اكىمىنىڭ باستاماسىمەن ءبىرقاتار شارالار جۇزەگە اسىرىلدى، دەپ حابارلايدى Almaty-akshamy.kz
اتاپ ايتقاندا:
- 1 قىركۇيەكتە الماتىدا تۇراقتى تىركەۋى بار 512 «جەلتوقساندىق» «قازاقستان رەسپۋبليكاسىنىڭ تاۋەلسىزدىگىنە 30 جىل» مەدالىمەن ناگرادتاۋعا ۇسىنىلدى؛
- مامىر ايىندا تۇركسىب اۋدانىنداعى ساياباققا «جەلتوقسان - 86» رەسمي اتاۋى بەرىلدى. ساياباقتى دامىتۋدىڭ 2026 جىلعا دەيىنگى جوسپارى تانىستىرىلدى؛
- «Almaty» تەلەارناسىندا جەلتوقسانعا ارنالعان دەرەكتى فيلم تۇسىرىلۋدە. ءفيلمدى تولىق اياقتاۋ قاراشا ايىنا جوسپارلانعان؛
- قازان ايىندا بەلگىلى جەلتوقسان قاھارماندارى ق.رىسقۇلبەكوۆ، ە.سىپاتايەۆ، ل.اسانوۆا، س.مۇحامەدجانوۆا، ك.مولدانازاروۆا بەينەسىمەن بيلبورد پەن مەديابوردتار كورنەكتى ورىندارىندا ءىلىندى؛
- 1 قاراشادان باستاپ قالالىق دەنساۋلىق ساقتاۋ مەكەمەلەرىندە «جەلتوقساندىقتارعا» سكرينينگ ۇيىمداستىرىلدى؛
سونىمەن قاتار، الداعى ۋاقىتتا كەلەسى ءىس-شارالاردى جۇزەگە اسىرۋ جوسپارلانۋدا:
- قاراشا ايىندا دەمەۋشىلەردىڭ قولداۋىمەن 50-دەن استام «جەلتوقساندىققا» دەنساۋلىقتارىن ساۋىقتىرۋ ءۇشىن قالاداعى شيپاجايلارعا جولداما بەرىلەدى؛
- 1 جەلتوقسانعا دەيىن الماتى قالاسىندا تۇراقتى تىركەلگەن جانە اقتالعان تۇلعالارعا الەۋمەتتىك كومەك كورسەتىلەدى
- 4 جەلتوقساندا «الاتاۋ» ءداستۇرلى ونەر تەاترىندا پاتريوتتىق اندەر كەشى ۇيىمداستىرىلادى؛
- 16-17 جەلتوقساندا رەسپۋبليكا الاڭىندا گۇل قويۋ ءراسىمى مەن «جەلتوقسان-86» ساياباعىندا تاقىرىپتىق ەسكەرتكىشتىڭ العاشقى تاسىن قويۋ ءراسىمى ۇيىمداستىرىلادى.
بۇگىنگى كۇنى تاۋەلسىزدىك پەن جەلتوقسان وقيعالارى بىر-بىرىنە جاقىن بولدى، ويتكەنى جەلتوقسان شەرۋلەرى ءبىزدىڭ حالقىمىزدىڭ ەگەمەندىككە دەگەن ەرىك-جىگەرىن، تاۋەلسىز ەل بولۋعا دەگەن ۇمتىلىسىن كورسەتتى. مەملەكەت جەلتوقسان وقيعاسىنا قاتىسۋشىلاردى بارىنشا قولداۋ جاۋاپكەرشىلىگىن ءوز موينىنا الدى.