ءقازىر كۇدىكتى ۋاقىتشا ۇستاۋ يزولياتورىندا.
الماتىلىقتاردى پاتەر جوندەپ بەرەمىن دەپ الداعان الاياق ۇستالدى، – دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
اۋەزوۆ اۋداندىق پوليسيا باسقارماسىنىڭ مالىمەتىنشە، 45 جاستاعى ل.ەسىمدى ازامات ينتەرنەتتە ۇيلەر مەن پاتەرلەردى ساپالى جوندەۋ تۋرالى حابارلاندىرۋلار جاريالاعان. جۇمىسقا كىرىسپەس بۇرىن ەر ادام ءاردايىم كليەنتتەردەن 100% الدىن الا تولەم سۇرايتىن: ول اقشا الىپ، جاسىرىنعان. ال تۇسكەن قاراجاتتى ءوز قالاۋى بويىنشا پايدالانعان.
«جەدەل-ىزدەستىرۋ ءىس-شارالارى بارىسىندا كۇدىكتى ۇستالدى. تەرگەۋدىڭ وسى كەزەڭىندە ونىڭ ەكى بىردەي الاياقتىققا قاتىسى بار ەكەنى انىقتالدى. ول بويىنشا سوتقا دەيىنگى تەرگەۋدىڭ ءبىرىڭعاي تىزىلىمىندە ق ر قك-نىڭ 190-بابى 3-بولىمىنە سايكەس قىلمىستىق ىستەر قوزعالعان. سوڭعى دەرەك بويىنشا كەلتىرىلگەن شىعىن كولەمى 1 ميلليون تەڭگەنى قۇرادى»، – دەدى اۋەزوۆ اپب باستىعى ۇلان ءابىلحايىر.
ءقازىر كۇدىكتى ۋاقىتشا ۇستاۋ يزولياتورىندا. الدانعان ادامداردىڭ ودان دا كوپ بولۋى مۇمكىن. قىلمىستىق ءىس بويىنشا تەرگەۋ جالعاسۋدا.
