قالا اكىمىنىڭ وكىمىمەن ق ر پرەزيدەنتى اكىمشىلىگىنىڭ جانە الماتى قالاسى ءماسليحاتىنىڭ كەلىسىمى بويىنشا جەتىسۋ اۋدانىنىڭ اكىمى بولىپ لياززات جىلقىبايەۆا تاعايىندالدى، دەپ حابارلايدى اlmaty-akshamy.kz.
لياززات جىلقىبايەۆا 1975 جىلى 29 ناۋرىزدا تۋعان. قازاق مەملەكەتتىك قىزدار پەداگوگيكالىق ينستيتۋتىن، ح. ا. ياسساۋي اتىنداعى حالىقارالىق قازاق-تۇرىك ۋنيۆەرسيتەتىن، ەكونوميكا جانە قۇقىق اكادەمياسىن بىتىرگەن.
ەڭبەك جولىن الماتىداعى №1 قازاق پەداگوگيكالىق كوللەدجى تاريح ءپانىنىڭ ءمۇعالىمى قىزمەتىنەن باستاعان.
2006 جىلدان باستاپ الماتى قالاسى ءبىلىم باسقارماسىنىڭ قۇرىلىمىندا جۇمىس ىستەدى. 2012-2016 جىلدارى الماتى قالاسى ءبىلىم باسقارماسى ءبىلىم ءبولىمىنىڭ باسشىسى بولدى. 2016-2019 جىلدارى الماتى قالاسى ءبىلىم باسقارماسى باسشىسىنىڭ ورىنباسارى بولىپ جۇمىس ىستەدى.
2019 جىلعى جەلتوقساننان باستاپ قازىرگى تاعايىنداۋعا دەيىن الماتى قالاسى ءبىلىم باسقارماسىنىڭ باسشىسى قىزمەتىن اتقاردى.