الىشەر ساتىبالدييەۆ 1990 جىلى 19 اقپاندا الماتىدا دۇنيەگە كەلگەن. «تۇران» ۋنيۆەرسيتەتىن، حالىقارالىق بيزنەس ۋنيۆەرسيتەتىن (UIB)، Maxwell School of Citizenship and Public Affairs (Executive Certificate of advanced study)، ق ر پرەزيدەنتى جانىنداعى مەملەكەتتىك باسقارۋ اكادەمياسىن بىتىرگەن، دەپ حابارلايدى اlmaty-akshamy.kz.
ەڭبەك جولىن 2012 جىلى الماتى قالاسىنىڭ «تابيعي رەسۋرستار جانە تابيعاتتى پايدالانۋدى رەتتەۋ باسقارماسى» كمم باس مامانى، كەيىن ءبولىم باسشىسى قىزمەتىنەن باستادى.
2016-2017 جىلدارى بيزنەس قۇرىلىمدار مەن ۇكىمەتتىك ەمەس ۇيىمداردا باسشىلىق قىزمەتتەر اتقاردى.
2017-2019 جىلدارى «شىعىس قازاقستان وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى» مم تابيعات قورعاۋ باعدارلامالارىن ىسكە اسىرۋ باسقارماسى باسشىسىنىڭ ورىنباسارى بولىپ جۇمىس ىستەدى.
2019-2021 جىلدارى الماتى قالاسى جەتىسۋ اۋدانى اكىمىنىڭ ورىنباسارى بولدى. 2021 جىلى «الماتى» الەۋمەتتىك-كاسىپكەرلىك كورپوراسياسى» اق باسقارما ءتوراعاسىنىڭ كەڭەسشىسى، باسقارما ءتوراعاسى اپپاراتىنىڭ باسشىسى بولىپ ەڭبەك ەتتى. 2022 جىلدىڭ مامىر ايىنان باستاپ «الماتى يندۋستريالدى ايماعى» ج ش س باس ديرەكتورى، باسقارما ءتوراعاسى بولىپ جۇمىس ىستەگەن.